Kapag nagkita ba tayong muli
Titignan mo pa rin ba ako tulad ng dati?
Lilingon ka ba
Kapag nalagpasan na kita?
Isigaw mo bang muli ang pangalan ko
Na para bang ito ang pinakamagandang salita sa mundo?
Kasi kung oo,
Titignan pa rin kita tulad ng dati
Kailanman ay hindi nawala ang pag-tingin sa'yo
Kahit dati'y inabot na ng dulo
Lilingunin pa rin kita
Kahit ilang ulit ka pang dumaan saking harapan
Kahit ilang ulit mo akong lagpasan
Aaralin ko bawat detalye ng iyong likuran
Hanggang sa tumigil ka naman sa'king harapan
Kung hindi ka pa lumingon
Isisigaw ko na ang pangalan mo
Hindi man ito ang pinakamagandang salita sa mundo
Patuloy ko pa ring sasambitin ito
Kung hindi,
Hindi ko na ipipilit na pwede pa
Sa muli nating pagkikita
Hindi na kita titignan
Hindi na ako lilingon pa't
Isisigaw ang iyong pangalan
BINABASA MO ANG
Tula
PoetryWattys 2017 Winner Published under Lifebooks TATANGAYIN kita patungo sa karagatan ng pag-ibig gamit ang mga salita hanggang sa muli kang malunod sa sakit at mga bakit. Pero ipapadama kong muli sa'yo ang sayang hatid ng piliin mong umibig. Kung papaa...
