Mas Masaya
Sapat nang ika'y aking nakikita
Nariyan kahit para sa iba
Pero mas masaya sana
Kung para sakin talaga
Ayos lang na hindi ako kausapin
Kahit buong araw hindi ako pansinin
Kahit lagpasan mo lang ako ng tingin
Kahit makita mo ako at wala kang gawin
Hindi na masyadong masakit
Kasi paulit ulit
Pero ayos lang
Kahit mukha na akong mangmang
Buong araw na nakitingin lang sayo
Tititigan ka nang maigi
Hindi magsasawa sayo
Kasi ikaw ang talagang pinili
Makita kang masaya
Kahit sa piling pa ng iba
Ako na rin ay liligaya
Kahit pilit ako'y sasaya
Pero mas masaya sana
Kung tayong dalawa
Kung ako ang dahilan
Ng mga ngiti mo diyan
Mas masaya sana kung ako
Ako pa rin ang sa iyo
Ako pa rin ang mahal mo
Ako pa rin ang nag-iisang 'mahal' mo
BINABASA MO ANG
Tula Para Sa Aking Mga Naging Sinta
PoetryMga salitang di mabigkas Kaya pilit na tumatakas Mga salitang di masabi Tinatago nalang sa paghikbi Mga salitang di magawa Aking idadaan sa tula Bunga ng pagmamahal at pag-iwan nila Lahat ng ito'y aking nailathala
