Embracing Arms

Chapter 67

Happy Birthday Ayisha Neri ❤ I love you. Haha

Chapter 67

Nagulat ako sa sinabi ng kapatid ko, bakit naman ang bilis yata ng paggaling ni Cassidy?

Not that I don't like it for her, but it's been what? Wala pa yatang dalawang taon simula nang gamutin siya. Is it enough?

Hindi ko maiwasang hindi kabahan sa ibinalitang ito ng kapatid ko.

"I'm nervous Sapphire,"

"Don't be, I'm always here for you Florence. Villacortas are always behind your back, your cousins and ofcourse our grandfather. Wala nang mauulit, pinaalam ko na rin kay Gio ang tungkol dito. They are all informed Florence, lalo na at may mga batang posibleng madamay." Naupo na rin ako sa may carpet.

"How about those two? Rainey and Ronaele? Anong balita sa kanila? Hindi ba at nasabi mo sa akin na nagkikipagkita sila kay Cassidy noon?" nagtatakang tanong ko.

"I think they're still friends? I hired an investigator Florence, Cassidy and Rainey are college friends."

"Seriously?"

"Yes, feeling ko nagpaplastikan na silang dalawa matagal na. Lalo na nang pinalabas ni Nero at Cassidy na engaged sila noon, hindi ba at matagal nang may gusto si Rainey ka Nero?" biglang kumulo ang dugo ko.

Ang marinig ang dalawang pangalan ng babaeng parehong may nakaraan kay Nero ay sadyang nakakainit ng ulo.

"Hindi ko alam sa kanya, hindi ko pa nakakalimutan ang mga kalandian niya kay Nero sa resort." Matabang na sabi ko.

"Bahala na sila sa mga buhay nila, sa ngayon huwag na lang natin silang pakaisipin. Anyway, are you already pregnant?" lalong bumigat ang pakiramdam ko sa sinabi ni Sapphire.

Hindi ako nabuntis sa nangyaring bakasyon namin ni Nero, hindi naman kami makahanap ng oras ngayon dahil pareho kaming pagod.

"Hindi pa, nakakainit na nga ng ulo 'yang si Nero." Tinawanan ako ng kapatid ko.

"Kinulang na ba ang sperm count ni Nero? Marami siyang pinsan na pwedeng magdonate."

"Saffira Primrose," pikon kong tinawag ang buong pangalan niya.

"I am just kidding Florence, bakit hindi ka na magpatingin sa OB? Wala pang isang taon ang triplets, hindi ba parang ang atat mo naman mabuntis?" ngiwing sabi nito.

"Ano pa ang pinagkaiba ng pag agwat sa mga bata ng ilang taon? Habang bata pa ako at kaya ko tuloy ang paggawa namin ng Nero. Besides, maganda ang lahi ni Nero Sebastian Ferell kailangang paramihin."Sabay kaming natawa ng kapatid ko sa pagbibiro ko.

"Oo, magandang lahi nga." Pinagkukurot ni Sapphire ang pisngi ng triplets.

"Anong oras na? Bakit gising pa ang tatlong ito? Don't tell me they're waiting for their Dad? Huwag mong pinupuyat ang mga bata Florence."

"Gusto nilang nakikita si Nero bago matulog, kapag hinalikan na sila ng Daddy nila saka na sila hihingi ng gatas. At mabilis silang makakatulog."

"How sweet,"

"Ikaw Sapphire? Kailan pa kayo ni Aldus? Masayang magkaroon ng mga anak, sigurado akong maganda din ang lahi ni Aldus. Magpakasal na kayo Sapphire," Isa ako sa pinakamasayang tao kapag nakita kong nakaputing saya si Sapphire. She deserves a happy family, bagay na pinagkait din sa kanya noon.

"Florence tell me, do you think Aldus will still stick to me if he discovered the all of me? Alam mong hindi lang ako basta pinalaki ng isang pinuno ng sindikato. I am more than a child syndicate." Hindi agad ako nakasagot sa sinabi ni Sapphire.