Every Beast Needs A Beauty (GLS#1)(Published under Pop Fiction, and MPress)

Kabanata 23

Kabanata 23

Gago

Pagod na pagod ako pero pinilit kong dumilat at bumaba sa flusher. Mainit ang pisngi ko at hindi ko alam kung magbabago pa ba ito. Inayos ko ang sarili ko. Hindi ako makatingin ng diretso kay Rage. Siya naman ay hinahanap ang mga mata ko.

"A-Alis na ako." Utas ko at agad inayos ang skirt kong medyo na lukot.

"Yeah, let's go." Aniya at hinawakan niya ang kamay ko.

Kinagat ko ang labi ko at mabilis akong sumunod sa kanya palabas ng cubicle. Mabuti na lang at walang tao doon kaya hindi kami nahirapan na makalabas.

Nang sinalubong na ulit namin ang madilim at maingay na labas ay kinalas ko ang kamay ko sa kanyang pagkakahawak. Napalingon siya sa akin. Hindi parin ako makatingin sa kanya.

"Is this your last bar? Ihahatid na kita."

Umiling ako. "Okay lang. Kasama ko naman si Mia."

Tumigil siya at tumitig sa akin. Unti unti akong nag angat ng tingin sa kanya. Nang makita ko ang malalim niyang mga mata ay mas lalo lang nag huramentado ang sistema ko. Shit!

Kumikirot din ang puso ko. Kumikirot iyon dahil sa takot at sa pagtatraydor sa sariling mga desisyon. Binali ko ang sarili kong mga prinsipyo. Sinubukan ko ang mga bagay na noon ko pa dapat iniwasan. Kinain ko ang lahat ng aking mga salita. Anong mukha ang maihaharap ko kay Mia?

"Ihahatid ko kayo ni Mia." Ani Rage.

Umiling ako. "OKay lang talaga, Rage." At nilagpasan siya.

Alam kong walang alam si Brandon at Logan pero nahihiya ako sa kanila kaya iniwasan ko ang sofa nila. Dumaan ako sa dancefloor. Diretso ang lakad ko. Ni hindi ko nilingon kung nandoon pa ba si Rage o wala na.

Nang nakalabas na ako sa bar ay nakita ko na agad ang van namin sa malayo. Naroon na sa labas si Mia at nag ti-text sa kanyang cellphone. Siguro ay hinahanap niya na ako.

"Sunny." Sambit ni Rage.

Sumunod siya. Iritado ko siyang hinarap.

"Pupunta pa kami sa office para magbihis. Okay lang. May van naman. Kaya na namin."

Umawang ang kanyang bibig sa gulat ng pagkakairita ko. "Susundan ko 'yong van at ihahatiod ko kayo pagkatapos." Aniya.

"Tsss." Umirap ako at tinalikuran siya.

Hindi talaga siya titigil. Hindi siya titigil sa akin. Hindi niya ako titigilan hanggang sa makuha niya ang gusto niya mula sa akin. Alam kong nangangarap lang akong seryoso siya. Pangarap ko lang iyon at ayokong makulong sa pangarap na iyon at masaktan sa huli.

Habang naglalakad ako palapit sa van ay naaalala ko ang ginawa ni Rage sa cubicle ng CR na iyon. Nakakahiya! Sobrang nakakahiya! Hindi ko alam kung ano ang pumasok sa isip ko. 

"Akala ko saan ka na! Ang tagal mo ah?" Ani Mia at mabilis siyang pumasok sa van.