Every Beast Needs A Beauty (GLS#1)(Published under Pop Fiction, and MPress)

Kabanata 26

Kabanata 26

Gold Digger

Masarap kasama si Rage kahit na madalas kong ipinapakita sa kanya na naiirita ako. Sa loob ng sinehan ay nag ooffer siya sa akin ng pop corn at lagi ko siyang tinatanggihan dahil mas gusto kong manood na lang.

"Open..." Bulong niya habang nilalahad ang isang pop corn sa bibig ko.

Kumunot ang noo ko at binalingan ko siya. "Ang kulit mo."

Humalakhak siya. "Ang sungit mo."

Tinitigan ko siya sa gitna ng dilim. Kahit na madilim ay kitang kita parin kung gano gumuhit ang ngiti sa kanyang labi at kung paano tumawa ang kanyang mga mata.

"I don't normally do dates." Bulong niya.

Ngumiwi ako. "Imposible. What makes me so special..."

"I think you deserve the places. I think you deserve more." Mas mahinahong bulong niya.

Hindi na ako makapag concentrate sa pinapanood namin. Iyan mismo ang nakakatakot sa mga tulad niya. Dahil alam mong playboy siya, hindi mo na alam kung alin ang totoo at alin ang hindi. It's safer to think that his words are full of lies but you're heart won't mind the danger. Mas gugustuhin mong maniwala na totoo 'yon.

"At matagal na panahon na nong huli akong nanligaw... But it wasn't like this... this is different."

Nanatili ang titig ko sa kanya. Liligawan niya ako? Hindi ko lubos ma isip na si Rage Del Fierro ay manliligaw sa akin. Oo na't dinalhan niya ako ng mga bulaklak noon at lumalabas kami tulad nito pero hindi ko alam na lalabas 'yon sa kanyang bibig.

Wala akong nasabi sa kanya hanggang sa natapos ang palabas. Masyado akong natatakot sa maaaring lumabas sa bibig ko. Umaasa ako sa kanya pero takot na takot parin ako.

Ang alam ko ay wala siya mamayang gabi dahil sa business meeting. Ganunpaman ay hindi ko alam kung saan ko napulot ang energy ko na magbihis para sa gabing iyon. Kumakanta pa ako habang nag susuklay ng buhok kaya panay ang puna ni Mia sa akin.

"May in love..." Parinig niya.

Binalewala ko siya dahil kanina pa siya nanunuya ng ganon. Nagpatuloy ako sa pagsusuklay hanggang sa may nangalabit sa akin. Nilingon ko ang isa sa pinaka petite sa Marlboro Girls. Hindi ko maaalala ang kanyang pangalan pero pamilyar ako sa mukha.

"Boyfriend mo 'yong kahapon?" Ngiti niya sabay hawi sa kanyang bangs.

Umiling na ako ngunit ang maingay na si Mia ang sumagot para sa akin. "Masugid na manliligaw. Ang haba ng hair, no?"

Nilingon ako ng iilang Marlboro Girls na nag mi-make up at may ilang nakiusyuso. Tinanong ako kung sa bar ko ba daw na kilala si Rage o ano. Sinagot kong sa trabaho. Nagulat sila dahil boss ko siya at parang hindi sila naniniwala na nanliligaw ang boss sa empleyado.

"Let her be infatuated. Bukas makalawa, iiyak na 'yan. Nothing lasts. Lalo na pag ganyan. We all know that, we're not dumb. But she probably is..." Sambit ni Alona sa kabilang salamin.