Every Beast Needs A Beauty (GLS#1)(Published under Pop Fiction, and MPress)

Kabanata 39

Warning: SPG!!!

----------

Kabanata 39

Mine

Nagmartsa ako paakyat ng hagdanan. Magbibihis na sana ako sa kwarto ni Rage pero napagtanto kong hindi ako matatahimik pag ganito kaming dalawa. Binuksan ko ang pintuan ng kanyang gym at agad kong narinig ang pagsuntok niya sa punching bag.

Tinahak ng mga mata ko ang kanyang dibdib para hanapin 'yong sugat. Isang maliit na plaster na lang ang nandoon. Lumunok ako at nag alala na baka mapano ang sugat ngayong malalakas ang mga suntok niya sa punching bag.

"Rage," Nilunod ng tunog ng punching bag ang aking boses.

Tumigil ako sa pagsasalita at pumasok doon. Humalukipkip ako sa kanyang harapan. Kitang kita ko ang sulyap niya ngunit pinipilit niyang wa'g akong pansinin.

"Rage..." Ulit ko at agad siyang tumigil sa pagsuntok. Hinawakan niya ang punching bag para mapatigil iyon sa pag galaw. Huminga siya ng malalim at binalingan ako.

"Baka dumugo ulit ang sugat mo." Sabi ko.

Nag iwas siya ng tingin. "I'm fine."

Tinitigan ko siya. "Bakit ka ba nagagalit?"

Mariing ikinuyom ni Rage ang kanyang mga palad. "Hindi ako galit." Nag iwas siya sa akin.

Nagulat ako sa sinabi niya. Kani kanina lang ay ipinakita niya sa akin kung gaano siya ka iritado at ngayon ay itatanggi niya? Ano ba ang iniisip ng lalaking ito?

"Kung ganon bakit ka ganito sa akin?" Sinundan ko siya at hinawakan ko ang kanyang braso.

Napatalon siya sa ginawa ko. Binitiwan ko agad. Inisip kong nasaktan ko siya o ano... Narinig ko ang pagmumura niya habang kinukuha 'yong tubig sa cabinet na katabi ng mga weights.

"Rage..." Sambit ko at hinawakan ang likod niya. "Alam kong nagseselos ka."

Bahagya siyang lumingon pero pumikit siya at mukhang kinakalma ang sarili.

"Don't seduce me right now, Sunny."

Binaba ko ang kamay ko galing sa kanyang braso dahil sa gulat. Nakita ko kung paano tumindig ang balahibo niya nang baybayin ng daliri ko ang kanyang braso. Uminit ang pisngi ko at nagulat sa biglaan niyang pag harap at pag huli sa aking mga kamay.

"Hindi kita sine-seduce, Rage." Sabi ko.

"Yeah but I'm very, very seduced..." Aniya sabay suklay sa aking buhok gamit ang kanyang mga daliri.

Sa biglaan niyang hawak sa aking baywang ay nanghina ako. Nangatog ang tuhod ko at bumilis ang hininga niya. Nanuot sa aking kalamnan ang kanyang mga titig at halos mahimatay ako sa init na naramdaman ko.

"I don't wanna be possessive. I have never been this possessive, Sunny." Aniya at mabilis niyang inangkin ang aking labi.

Malalim agad ang halik niya. Kinilabutan ako at hindi ko alam kung bakit at paano ko iyon nagustuhan.