Unicode (zawgyi below)
Jungwoo's POV
"မင်း Koeun ကိုစာပေးလိုက်ပြီလား"
ကျွန်တော့်နားထဲကိုအရမ်းရင်းနှီးတဲ့စကားသံတစ်ခုဝင်လာခဲ့တယ်
ဒီမေးခွန်းဟာ ကျွန်တော်အရင်ကကြားခဲ့ဖူးတဲ့မေးခွန်းတွေလို ဘယ်ဘက်နားကဝင်ပြီး ညာဘက်နားကပြန်ထွက်သွားခဲ့တဲ့မေးခွန်းမဟူတ်ခဲ့ဘူး ဘယ်ဘက်နားကဝင်လာခဲ့ပြီး ကျွန်တော်ဦးနှောက်ထဲမှာကိန်းအောင်းနေခဲ့တဲ့မေးခွန်းဖြစ်ခဲ့တယ်
ရင်းနှီးဖူးတဲ့အသံနဲ့မေးလာတဲ့မေးခွန်းကိုကျွန်တော်ကြားပြီးတဲ့နောက်မှာ ကျွန်တော်အလန့်တကြားထထိုင်မိတယ်။
ရင်ဘတ်ထဲမှာ ထိတ်လန့်မှုကြောင့် တဒိန်းဒိန်းနဲ့တုန်နေတဲ့နှလုံးနေရာကိုကျွန်တော်လက်နဲ့ဖိလိုက်မိတယ်
ကျွန်တော့်ဘေးမှာ စောနကကျွန်တော်ကြားလိုက်ရတဲ့မေးခွန်းကိုမေ့တဲ့သူလည်းရှိမနေသလိူ အရာအားလုံးဟာတိတ်ဆိတ်လွန်းနေတယ်
အလန့်တကြားနဲ့နာရီကိုလှည့်ကြည့်လိုက်တော့ မနက် ၁ နာရီ။
တော်သေးတာပေါ့
ကျွန်တော်အိပ်မက်မက်နေခဲ့တာ
Lucas ကျွန်တော့်နားမှာရှိမနေခဲ့တာပဲကျွန်တော်ကျေးဇူးတင်ပါတယ်
ဒါဟာအိပ်မက်ဖြစ်နေခဲ့လို့ကျေးဇူးတင်ပါတယ်
နောက်တစ်ကြိမ်ထပ်ကြားရရင် ဒီမေးခွန်းကိုငါဘယ်လိုဖြေရမလဲ စဉ်းစားပြီးတွေးပူနေခဲ့တာ ကျွန်တော် ၅ ရက်လောက်ရှိခဲ့ပြီ
အိပ်မက်မဟုတ်တဲ့ လက်တွေ့ဘဝမှာသူဒီမေးခွန်းကိုနောက်တစ်ကြိမ်မေးတုန်းကလည်း ကျွန်တော်ဖြေဖို့နှောင့်နှေးနေခဲ့တယ်
လိမ်ညာတဲ့အဖြေဖြစ်လို့ကျွန်တော့်စကားသံတွေထစ်နေခဲ့ဖူးတယ်
ငါချစ်ရတဲ့ မင်း အတွက်နဲ့ ၊ မင်းချစ်တဲ့သူ့ကိုငါစပြီးမုန်းလာခဲ့တယ် လို့လည်းမပြောခဲ့သလို မင်းတစ်ဆင့်ပေးခိုင်းတဲ့ရည်းစားစာကို ငါဖောက်ဖတ်ခဲ့တယ်ဆိုတာလည်းကျွန်တော်မပြောခဲ့ပါဘူး
သူ ဒီမေးခွန်းကိုပထမဆုံးမေးတဲ့အချိန်မှာပေါ့
သူ့ကိုလုံးဝဝန်မခံနိုင်တဲ့အဖြစ်တွေထဲကမှ အမှန်တရားအဖြစ်ပေါ်သွားမှာကိုသိပ်ကြောက်နေခဲ့ရတဲ့အဖြစ်ကတော့......
YOU ARE READING
Fool's Paradise
FanfictionThis fic is written in both Unicode and Zawgyi Unicode အချိန်နဲ့ဒီရေဟာဘယ်သူ့ကိုမှမစောင့်သလို ငါ့အချစ်တွေကလည်းမင်းရဲ့ခေါင်းညိတ်အဖြေတစ်ခုကိုဘယ်တော့မှမစောင့်ခဲ့ဘူး...... Zawgyi အခ်ိန္နဲ႔ဒီေရဟာဘယ္သူ႔ကိုမွမေစာင့္သလို ငါ့အခ်စ္ေတြကလည္းမင္းရဲ႕ေခါင္းညိတ္အေျဖ...
