Unicode (zawgyi below)
Jungwoo's POV
ဘာရယ်ကြောင့်မသိ
ဒီနေ့မိုးရွာတယ်
ကျောင်းရောက်တော့ ကျောင်းသားတွေအကုန်အနွေးထည်တွေနဲ့ မနက်ခင်းမိုးမလို့ စိမ့်ပြိးအေးနေတယ်
အတန်းထဲကကျွန်တော့်ရဲ့စားပွဲခုံက အနည်းငယ်ညစ်ပတ်နေတယ် ပြတင်းပေါက်ကပတ်တဲ့မိုးရေတွေအပြည့်နဲ့ ခုံပေါ်ကဖုန်တွေဟာ ရောထွေးပြီးညစ်ပတ်နေတယ်
အတန်းမတက်တာကြာခဲ့ပေမယ့် ကျွန်တော်ဒီနေ့တော့အတန်းထဲဝင်ခဲ့တယ် ကျွန်တော်မလိုချင်တဲ့စာရွက်တစ်ရွက်ကိုယူဖ်ု့အတွက်ပေါ့ မလိုချင်ဘူးဆိုရင်လည်း ကျွန်တော်မှအဲ့စာရွက်ကိုမလိုအပ်တော့ဘဲလေ
ပညာအရည်အချင်းမှတ်တမ်းစာရွက်ဟာ အဆင့်တွေကျနေတဲ့ကျွန်တော့်လိုကျောင်းသားအတွက်မလိုအပ်တော့တဲ့စာရွက်သာဖြစ်တယ်
ဒါပေမယ့် ကျွန်တော်ဟာ ကိုယ့်ရဲ့လွတ်လပ်ပိုင်ခွင့်ကိုလက်ထဲအရောက်လိုက်မဖမ်းနိုင်သေးသရွေ့
မိဘတွေကကျွန်တော့်ရဲ့အပြစ်အနေနဲ့သာမှတ်ယူထားပြီး ကျောင်းဆက်ထားနေသေးသရွေ့
ကျွန်တော်ဟာ ဒိကျောင်းကကျောင်းသားတစ်ယောက်ဖြစ်နေသေးသရွေ့
ကျွန်တော်မလိုအပ်တဲ့ ဒီစာရွက်ကိုလည်းယူနေရဦးမှာဖြစ်ပြီး ကျွန်တော် မတတ်နိုင် မစွမ်းဆောင်နိုင်တဲ့စာမေးပွဲတွေလည်းဖြေနေရဦးမှာဖြစ်တယ်
ခုံကိုတစ်ရှူးနဲ့အသေအချာရှင်းလိုက်ပြီး ကျွန်တော် တော်တော်ကြာကြာမထိုင်ဖြစ်တဲ့ စားပွဲမှာထိုင်လိုက်တယ်
မိုးကတိတ်သွားပေမယ့် မိုးပေးခဲ့တဲ့ စိုစွတ်မှု ထိုင်းမှိုင်းမှုတွေကတော့အခုထိမတိတ်သေးပါ
ကျွန်တော်ဒီနေ့အတန်းထဲဝင်တော့ ကျွန်တော့်ရဲ့မသိစိတ်တွေထဲမှာခိုအောင်းနေသူတစ်ယောက်ကိုတွေ့ရလေမလားလို့ ကျွန်တော်အတန်းကိုဝေ့ဝဲကြည့်လိုက်မိတယ်
ထူးဆန်းပါရဲ့
ကျွန်တော်သူ့ကိုမတွေ့ရပါဘူး
Lucas ကအတန်းမမှန်ပေမယ့် ကျွန်တော့်လိုအတန်းကိုရည်ရွယ်ချက်ရှိရှိနဲ့ရှောင်နေတဲ့သူတော့မဟုတ်ဘူးရယ်
YOU ARE READING
Fool's Paradise
FanfictionThis fic is written in both Unicode and Zawgyi Unicode အချိန်နဲ့ဒီရေဟာဘယ်သူ့ကိုမှမစောင့်သလို ငါ့အချစ်တွေကလည်းမင်းရဲ့ခေါင်းညိတ်အဖြေတစ်ခုကိုဘယ်တော့မှမစောင့်ခဲ့ဘူး...... Zawgyi အခ်ိန္နဲ႔ဒီေရဟာဘယ္သူ႔ကိုမွမေစာင့္သလို ငါ့အခ်စ္ေတြကလည္းမင္းရဲ႕ေခါင္းညိတ္အေျဖ...
