Unicode (Zawgyi below)
Lucas' POV
Jungwoo တို့အိမ်ရှေ့မှာ ကျွန်တော်စက်ဘီးရပ်လိုက်တယ် ကျွန်တော့်အနောက်မှာ ကျွန်တော့်ခါးကိုတစ်ချိန်လုံးဖက်ရင်းလိုက်လာတဲ့ Jungwoo ကစက်ဘီးပေါ်ကနေဆင်းသွားတယ်
"ငါအိမ်သော့မေ့ခဲ့တယ်"
Jungwoo ကတံခါးခေါက်ရမှာကြောက်တဲ့ပုံစံနဲ့ပြောလာလို့ကျွန်တော်ကပါစက်ဘီးပေါ်ကနေဆင်းပြီး စက်ဘီးကိုဒေါက်ချခဲ့ပြီး သူ့အိမ်တံခါးဝထိသူ့ကိုလိုက်ပို့ရတယ်
ကျွန်တော်ကပဲတံခါးခေါက်လိုက်တယ် တံခါးလာဖွင့်သူက သူ့အမေ
"ကျွန်တော် Jungwoo ကိုပြန်လာပို့တာ"
"aww အေး ကျေးဇူးပဲ သား"
Jungwoo ကအေးအေးဆေးဆေးပဲအိမ်ထဲဝင်သွားတယ်
ကျွန်တော် Jungwoo မကြားအောင်လည်းသူ့အမေကိုခေါ်ချင်တယ် ဒါပေမဲ့လူကြီးကလည်းဖြစ်နေပြန်တော့လက်ယက်ခေါ်ရင်လည်းရိုင်းသလိုဖြစ်မှာစိုးရတယ် ဒါ့ကြောင့် သူ့အမေရဲ့လက်မောင်းကို တံခါးမပိတ်ခင်အသာလေးပုတ်လိုက်တယ်
အန်တီကလည်းသဘောပေါက်သွားပုံနဲ့ Jungwoo မသိအောင် တံခါးကိုစေ့ပြီး အပြင်ကိုထွက်လာတယ်
"ဘာပြောမလို့လဲ သား"
အန်တီကအလိုက်တသိနဲ့ခပ်တိုးတိုးမေးတယ်
"ပြောမလို့မဟုတ်ဘူး မေးစရာရှိလို့ အန်တီ"
မေးမယ်ဆိုတဲ့စကားလည်းကြားရော အန်တီရဲ့မျက်နှာအမူအရာကချက်ချင်းပြောင်းသွားတယ် ကျွန်တော်မေးလာမယ့်မေးခွန်းကိုကြိုသိနေတဲ့ပုံစံနဲ့ ထိုမေးခွန်းကိုရှောင်ဖြေဖို့အဖြေရှာနေတဲ့ပုံစံ ၂ မျိုးရောနေတဲ့အန်တီ့ရဲ့မျက်နှာအမူအရာကိုကျွန်တော်မကြိုက်ဘူး
မမေးခင်ကတည်းက သူ့အမေရဲ့မျက်နှာအမူအရာကိုမြင်လိုက်ရတာနဲ့ Jungwoo တစ်ခုခုဖြစ်နေပြီဆိုတာကိုကျွန်တော်သိလိုက်တယ်
"Jungwoo ဖြစ်နေသမျှကိစ္စတွေကိုကျွန်တော့်ကိုပြောပြပါလား အန်တီ သူ့ကိုကြည့်ရတာအရင်ကပုံစံနဲ့နည်းနည်းလေးမှမတူတော့ဘူး"
YOU ARE READING
Fool's Paradise
FanfictionThis fic is written in both Unicode and Zawgyi Unicode အချိန်နဲ့ဒီရေဟာဘယ်သူ့ကိုမှမစောင့်သလို ငါ့အချစ်တွေကလည်းမင်းရဲ့ခေါင်းညိတ်အဖြေတစ်ခုကိုဘယ်တော့မှမစောင့်ခဲ့ဘူး...... Zawgyi အခ်ိန္နဲ႔ဒီေရဟာဘယ္သူ႔ကိုမွမေစာင့္သလို ငါ့အခ်စ္ေတြကလည္းမင္းရဲ႕ေခါင္းညိတ္အေျဖ...
