مينا: بوقتهة ابداً ما عجبتني ، أما علاقتي الجميلة وية رانيا فصارت للأسوء ومو قوية لأن انتبهت عليها صاحبت
شلة بنات اخلاقهن مو زينة حسيتها بدت تراهق فإبتعدت عنها..
كاعدين اني و رانية نفس الرحلة بس هل سنة داومنة خامس جنت كاعدة فصفنت علية حسيت عدهة حجي ..
_ها صافنة علية صاير شي؟!
رانية: مينا اريدج تساعديني بشي
مينا: شنو؟
رانية: اريد اشوف صديقي بشقة واريدج تجين وياية وكال عندة صديق ع الاقل نتونس شوية..
مينا: صفنت عليهة عزا هاي شدتحجي.
_شهل حجي رانية شجاج فهميني شغيرج ! ترة انتي مو هيج و لا طبيعتج هيج اصحي ع نفسج مناقصنة مصايب ..
رانية: دولي شمسوية ترة شي عادي نتونس خوما اصير مثلج معقدة وخليهة ببالج إذا ما اجيتي وياية أني افضح امج كدام المدرسة كلهة واخليهم يطيحون حظ سمعتج افتهمتي؟ .
مينا: انفتحت عيني على وسعهن ..
_يعني شنو تهدديني ؟!..
رانية: اعتبريهة تهديد،شكلتي تجين وياية لو اسوي الشي الكلتة الج..
مينا: درت وجهي عنهة واني دمعة حاصرتني بس مردت ابجي كدامهة علمود لا ابين ضعيفة..
رجعت للبيت واني مو على بعضي وبية طبع بس يصير شي مو زين اكوم اطكطك با اصابعي رحت سويت الغدة وبعدين اخذت اخوية الصغير رافد وكعدت العبه، بينما يستوي الغدة طبيت لغرفة امي كلعادة صافنة ..
ليش صافنة شنو صاير واحسج متغيرة وينهة امي التعتني بنفسهة وصبغ أظافر ميروح من اظفرهة..
اباوع عليهة بعدهة بصفنتهة،كملت الغدة وخابرت ابوية كتلة تجي تتغدة كال عندة شغل جنت اشك بهذا الشي بس مشيتها.
ع كلٍ سويت الغدة وحطيت صينية لأمي لان منعزلة عنة،و خليت رافد ياكل احسه أبني يمكن اني حنينة علية اكثر من امة خلصنة الغدة غسلت مواعين وكعدت اقرة اندك الباب
رحت فتحتة لكيت رانية..
_ها رانية شرايدة..
رانية: باعي ولج كدامج يومين لو تروحين وياية لو افضحج بالمدرسة كلهة واخلي مدرسات طالبات يحجون عليج..
مينا: مااعتقد تكدرين تسوينهة ..شفتهة لزمت تلفون وكالت..
رانية: باعي كتبت الرسالة على كروب الصف بالفايبر اذا متلغين هسة تروحين لو لا قسم بالله ادزهة ..
مينا: خفت منهة اخذت تلفون على السريع ..
_ليش هيج سوين شمسويتلج اني تعرفين الحالة الي اني امر بيهة تعرفين وضعي ووضع اهلي ليش زيديهة علية..
رانية: باعي ولج باجر حضري نفسج ب٥ نطلع مراح يصير شي بس اريدج حجة اطلع بيهة لحبيبي..
مينا: رجعت ليورة وسديت الباب بوجهة ..رحت لغرفتي كعدت ابجي لا صديق لا اخ لام لا اب اني شنو مصيري..
اكول لأمهة بس خاف مصدكني اروح اوصلهة ورأساً ارجع اي احسن..
مرة يوم كامل اني مو على بعضي و رانية ذكرني دائمًا اخر شي جتي علية بالفرصة لزمتني من ايدي ..
رانية: اليوم نروح موو؟..
مينا: هزيت راسي بأي وعفتهة طلعت للبيت بلغت امي راح اطلع اصلاً هية ممهتمة بأي شي يصير بية او بأخوية..
وصيتها على رافد دير بالهة عليَّ،جتي رانية دكت علية الباب..
رانية: يلا اتأخرتي..
مينا: نفخت بعصبية جنت لابسة بوت وقمصلة كلش حلوة من ناحية الملابس الحمد لله اشتري اليعجبني و ممقيديني اهلي
رانية: ولج مينا هسة تشوفيهم شلون يخبلون واحد منهم خريج انكليزي والثاني مهندس ما اوصفلج شكد حلوين..
