دنيا:سمعت الكلام الي دار بينهم وياريتني ما سمعت هل الشي الي دمر حياتي!!..
ام دنيا: يعنييي شنووو اسوي وترضى علية ليش اني هيج تتصرف وياية لييش؟؟ شنو الي ما قدمتة الك وهلكد هاملني....
جاوبني شنو اختلف عن لمى وهلكد حبيتها اكثر مني حبيييتك اني اعترف اني غبييية كلبي انعمة وما شاف غيرك...
فراس: اشششش لا تعلين صوتج اني من البداية تعرفيني احب لمى وما شافت عيني غيرها اتزوجتج لحتى استر عليج لان جنتييي حاامل بدنيا ولا انتي متهميني فوخري من يمي افوت اسبح...
دنيا:هاي الحقيقة الي عمت حياتي وخلتني اكل بنفسي والوم اهلي طووول عمري...
مجنت صغيرة وما استوعب شنو صار!!جنت بعمر ال١٤ يعني راح اصير ثالث متوسط...
صدمتين سمعتها اولهم اني بنت حرام!!!! ضليت املخ بشعري واضرب نفسي بغرفتي...انصدمت صدمة عمري والصدمة الثانية ابوية متزوج قبل امي وامي .....
سكتت والتزمت الصمت...هذا الشي يوضح هواي اشياء بحياتي...
رجعت اعيد بحساباتي..علاقة امي وابوية الغريبة طلعات ابوية اوقات الي يجي بيها كلشي جان واضح كدام عيني؟!..
طلع بابا من البيت كعادتة عرفت راح لمرتة الأولى...دخلت امي وكمت اعيط..
_ شنوو هذا السمعتة شلووووون تسووين بية هيج؟! شلون تخلين نفسج بهل موقف هه علمووود شنو علمود حب تافه ورجاال ميسوة كلشي ضحيتي بي ليييش ولدتيني ها ليش علمود تخليني اتعذب وية هل حقيقية ..كمت ابجي بحركة متخيلت نفسي راح اكون بهذه الحالة...
صحيح جنت اضوج من تقصير بابا ويانة بس برغم هذا يبقة ابوية و وتبقى رابطة الدم بعيني بس بداخلي اكو كره وحقد علي هو خلانة بهذا الوضع لو عايف امي بحالها مجان صار الي صار حتلو امي جانت غلطانة بس ...
ااااه شكد ما احاول ابرر الهم تبقى ضحيتهم اني...اني دفعت أخطائهم....
وبليلة متت قهر بيها بعمر ال١٧ ابوية جاب بنتة لبيتنة...عرفت مرتة الأولى نزلت راسه وهو جان يجي و الدنيا مو بعينة و مرات يبجي...
يمكن طلعت حوبة امي؟!او يمكن دفع الخطأ الي ارتكبة...صراحة اني مو ملاك اني انسان ابتسمت على عدالة الدنيا صحيح امي غلطت وغلطها مينغفر بسس فضل مرتة الأولى الي مشايلتة عن امي الي وكفت ويا بكل شي...
من جتي بنتة انصدمت جانت اكبر مني بسنتين والله فراس لاعب لعبتك وطاك عصفورين بحجر...
حقدت عليها و خبثت وخاصة من اشوف نضراتها النا ما اعرف شنو افسرها صدمة خوف قلق رعب او حتى حقد...
امي متقبلتها ولا بشكل من الاشكال احس نفسنا حاربناها من جانت تنام يمي بالغرفة اسمع صوت شهكاتها بس بصووت كلش ناصي...
وبيوم الي عرفت هاي الي اكراها واحقد عليها هي راح تصير سندي بهذه الدنيا...
انقدتني وانقذت اخوية بشجاعتها عجبتني قوتها جنت اشوف بعينها خليط من الجرأة ومن الخوف...
ومن اجة ولد للبيت جان شكلة حلو ومرتب شفت نضراتة الها ونضراتها هي عرفت اكو سالفة بيناتهم بس ردت اكشفها بطريقتي..
فسئلتها بالليل منو هذا الحلو الي جانة وشنو اسمه ردتلي بعصبية و اسلوب مبين بي غيرة فأتأكدت من الشك بداخلي....
