رنا: اني غبية لان حبيت واحد مثلك وضحيت بكلشي علمودك.....
سيف: اول شي من تحجين وياية احجي بأحترام ونصي صوتج وثاني شي فهميني مثل البشر شنو مشكلتلج ولا تجين تلعلعين بصوتج!...
رنا : خل نشيل منا ما ابقة بهل منطقة...
سيف: ليش بالله؟...
رنا: انتَ ليش تصرف هيج وياية؟! ليش تجيبني كدامها لييش ادري هي بعدها بنفسك ادري..
دائما احاول اقنع نفسي انتَ نسيتها وراح تلتهي بحياتنة بس انتَ كسرتني اليوم من جبتني هنا وكدامها ....
سيف: عقدت حاجبي مستغرب...
- وانتِ منين تعرفيها؟!....
رنا : شفت بعدها بداخلك شسوي وتحبني اكثر منها شسووي...
سيف: اول شي اني من نقلتكم لهنا ما اعرف هي ساكنة هنا واذا تردين احلفلج ع قرءان ما عندي مشكلة ...
وثاني شي ما اكدر انقلكم بعيد عن عادل عينة عليكم و بعد استقرينا و هو هم استقر...
و ثالث شي هي مرة متزوجة واني مزوج ويستحال يجي يوم واقسر بخاطركم...
اني ما اكدر اجذب عليج واكلج ما احبها ونسيتها....بس اكدر اكلج ما صارت قسمتنا وكل واحد راح بطريق والتهى ....
اريد ادخل تعبان اذا متصير عليج زحمة عوفيني انام لان جاي من الشغل و بمكان ما تستقبليني زين ودكولين تعبان استقبلتيني بطلابة......
عفتها ورحت سبحت ونمت من التعب....
مينا..
مر اسبوع و التفكير ماكلني أكل....
وكل الذكريات مرت على بالي وحسبة تاخذني وابجي وحسبة اضحك على حالي....
يمكن وصلت لمرحلة من الجنون او من كثر التعب انهد حيلي وما عندي اي طاقة اوكف من جديد بس بنتي هي الي مصبرتني اكثر....
رجعت واغلقت على هذا الجرح الي انفتح من جديد كلت ادوس ع نفسي طُز بية اهم شي راحة ليان ما اريد اخلي حياتها جحيم مثلي.....
و مر شهر واني كل يومين ٣ الله يخليني اصادف سيف ما اعرف شنو السبب وليش بس كل مرة اشوفة اتحطم اكثر من الي قبلها..
و اعرف نفسي خسرت شي جبير بحياتي و مراح يتعوض....
فد يوم طلعت لان ليان اختنكت من الطلعة....
- وسام راح اطلع اخذ لولو افررها وارجع...
وسام: اوك...
مينا: لبست جبة ولفيت الحجاب وشلت لولو ...
مشيت افتر بيها وهي تضحك وتصفك اهم شي عدها الطلعة...
بركن الشارع وشفت مرأة تغسل الشارع صفنت بوجهة وهي هم صفنت بوجهي...
نطقت هي..
: مينااا!!!!...
مينا: رسل؟!...
جتي وحضنتني واني همين اخر مرة شفتها من فاتحة عمة سيف حييل قبل كم سنة....
رسل" يا عيني شهل صدفة هاي و منو هل بنوتة الحلوة...
مينا: هاي بنتي ليان...
اخذتها و بوستها...
