سيف:مااريد افقد اكثر اشخاص ..
مينا:أكتفيت بالسكوت لان عن نفسي مالكيت جواب لفقدان اشخاص اعزاء على گلبي..أذكرت اخوية وشلون فقدتة..كعدت ابجي ويا..احس اواسي وبنفس الوقت اواسي نفسي..
بعدين مسح دموعة ودموعي وطلع ضليت كاعدة اتصفن بعدين مسحت دموعي ورحت غلست وجهي..صفنت ع حظي معقولة بسبب حظي اثرت علية ؟!! بديت الوم بنفسي و ابجي دخل بابا للبيت ..
فراس: ها بابا شو تبجين شبيج؟!
مينا: بابا اني أحس نفسي وحدة مشئومة و تجيب الفگر ..
فراس: بابا شنو هل حجي تعرفين انتي من جيتي للدنيا اني
الرزق الي انفتح بوجهي شنو..جيتج خير وانتي رفعتي راسي متأثرتي باامج بالرغم تصرفاتهة فيا بابا مااريدج تفكرين هيج
بعد ..انتي بنيتي واميرتي مو شؤم افتهمتي ..يلا نشفتي ريكي اريد مي تعبان..
مينا: مسحت دموعي رحت ركضت جبت مي لاابوية ..شفتة متمدد ع تخم نزعت حذائة وجواريبة واطيتة مي وادويتة ..
فراس: بابا رجلي تأذيني من مشي اليوم تكدرين جيبين مي حار..
مينا: بعيوني..كمت ركضت جبت طشت (اناء) وحطيت مي حار خليت رجل بابا ع طشت وبديت افركلة رجلة شوية وشلتهة جففتهة..
فراس: تعبتج بابا..
مينا: اجيت حضنت بابا..لا بالعكس بابا اني مااكدر اجازيك انت الوحيد الي وكفت وياية..
طبطب على ايدي ..
فراس: وينة سيف..
مينا: بابا استاذ سيف صار عدهم حالة وفاة..
فراس: انا لله وانا اليه راجعون..منو اتوفة عدهم
مينا: عمتة كال يعتبرهة مثل امهة بابا خابرة علمود تروح وياهم عيب استاذ سيف هواي وكف ويانة..
فراس: اكيد بابا سيف لوما جان احنة منعرف شنو نتصرف وفضلة كافي من اهتم بية وبيج ومو مثل باقي الولد الي يباوعون للبنية بنضرة مو زينة الله يوفقة ويلكي بنت الحلال الي تستاهلة ..
مينا" كمت من مكاني احس حرارة تطلع من راسي..من كال يلاكي بنت الحلال الي تستاهلة..
رحت غسلت وجهي..
رحت للهول..
فراس؛ بابا حطلع اني للفاتحة ديري بالج ع نفسج ولاتفتحين الباب لااي احد رقمي يمج..
مينا: ماشي..طلع بابا من حركة لزمت مكناسة وبديت انضف البيت مسحت الطبلات وتخومة سويتهم وسيراميك المطبخ
سويتة ..هي الشقة صغية بسرعة يخلص تنضيفهة اخر شي من اذكر كلام بابا جبت مال اذن وكعدت امسح بااطراف
حيطان ..من كل عقلي اتخيلت كلام بابا صحيح وكعدت ابجي..
انتبهت على روحي شنو جنت اسوي..
كمت من مكامي وغسلت وجهي باوعت للبيت نضيف رحت شفت ساعة ب ٨ اخذت تلفوني كعدت شفت بابا داك علية ٥ مكالمات..طلعت رقمه خابرتة..
