مينا: -بابااا الحكليي راح يموتنيي....ابجي واحجي وية بابا يجي.....
سديت التلفون من بابا و امسد ع شعر ليان حتى تسكت...
واقرة أيات قرءانية والله لو يلزمني ميبقيني عايشة....
جانت دقائق معدودة والباب اندكت عرفت بابا دخل....
سمعت صوت عياط بين بابا و وسام ...
وسام: ما الك حق تحاسبني هذا بيتي مو بيتك....
فراس: تحترم نفسك وتنجب من يحجي وياك عمك شنو بيتك شنو مالي حق اذا بنتي هي القضية فأحرك الأخضر واليابس افتهمت!!!!.....
اخذ بنتي منا وخل اشوفك تحجي حجاية زايدة...
مينا: اجتي اندكت الباب كمت لبست عبايتي ولفيت الشال شلون مجان ....
اخذت جنطة وحطيت بيها كم غرض لليان وممة وحليب ...
ركضت فتحت الباب وحضنت بابا ....
ابجي وليان اختنكت من الهوسة هنا....
شالها بابا و لزمت ايد بابا احتميت بي....
مهما البنية تكون نفسها وتعتمد على حالها و تتزوج يبقى الأب سند الها....
مهما يكون الأب سيء او زين يبقى وجودة مهم وميتعوض....
طلعت من البيت واني الدموع بوجهي وليان بأيد بابا...
دخلنا للبيت واستقبلتني ام دينا...
ام دنيا : شنو الصار شبيج مينا وجهج مخطوف لونة؟...
فراس: انطي صبر بابا مينا اصعدي لغرفتج ارتاحي اليوم وعوفي ليان يمي حبيبة جدها اشبع منها....
مينا: هزيت راسي بموافقة ..حطيت الغراض بالهول وصعدت لغرفتي جانت دنيا مموجودة الضاهر طالعة....
نزعت شالي وشفت اثار ايدة بركبتي محسيت بيها الا هسة....
بجيت وغسلت وجهي...رحت اتمدد احاول انام مكدرت اتعودت ع ليان تنام بحضني يلا انام....
نزلت جوة شفت دنيا واكفة يم امها تكطع زلاطة...
جتي حضنتني وتسئل اسئلة هواي بس اني بالي مو يمها...
دنيا: هاا الضاهر بالج يم ليان نايمة بحضن بابا بالأستقبال...
مينا : هاا ماشي...رحت للأستقبال شفت بابا غافي وليان بحضنة...
اخذت ليان فز بابا كلتلة راح اخذها ورجع نام....صعدت فوك وحطيتها بصفي بالجرباية حضنتها يلا كدرت انام احس بالطمانينة من اسوي هاي الحركة....
استمرت الأيام و وسام اصلا و لا دك ولا سأل وهذا الشي جان كلش مريحني جنت مرتاحة ببيت اهلي....وجان عندي دوام فملتهية....
الى بيوم كلت اروح للبيت اخذ كم غرض منة وارجع لبست جبة وحجاب وطلعت امشي والف حسبة ببالي....
اتطلك؟! لو هذا الشي يضر ليان لان هي تحب ابوها وهو ممأذيها بس هو مأذيني..
زين واذا بقيت اعمالة راح تعمي علينة..
زين هو هل فترة اصلا ما اجة وحاول يرجعني يعني معناتها هو ميريدني علمود ياخذ راحتة بالسوالف التعبانة....
