مينا: شنوو؟ شلون يعني...
ام دنيا: تعرفين شنو أني أكثر شي اتأذيت منة؟..
مينا: وهو؟..
ام دنيا: غدر امج الي..مكدرت أتحمل هذا الشي لان امج جانت شي مهم بحياتي...
مينا: من وين تعرفين امي؟!..
ام دنيا: اني وامج جنة جيران و اعز صديقات او بالأحرى جنة خوات...
أمج جانت شنو يصير وياهة تشكيلي..تحجيلي عن اهلها و شلون يكتلوها ويأذوها...
تجي تبجي يمي واني احضنها واكلها يلا اتحملي..
♡♡♡♡♡♡♡♡♡♡♡♡
لمى: مدا تفتهمين لج بس يتعاركون علمود الفلوس وآلله تعبت وامي هسة طلعت لبيت خالتي دكول ما اعيش بهيج فكر ومتقبل ترجع وبابا ذب الشغل كلة براسي زين اني شلون الحك اسوي كلش هل اشياء وهمين اقرة...
سهى: آلله يساعدج لمى يعني شنسوي برأيج اني هم تعبت وتعرفين اللكمة كوة نحصلها..
لمى : تعرفين شنو اني من اكبر مستحيل اعيش حياة الفقرة ونتحسر ع خبزة الي نبللها بالمي ما اعيش هيج...
♡♡♡♡♡♡♡♡♡♡
امج مقبلت ترضخ للحياة وضلت دكول اني ما اعيش الحياة الي عيشونياها اهلي..
وصلنا جامعة و بالكلية أني أنعجبت بطالب بالجامعة نفسها بس بغير قسم..
جان ابوج!..جنت كلما ادخل اباوع علية وشلون هيبتة وكشختة...
واضل ساعات اباوع علي من بعيد و خليت نفسي دور ثاني علمود اشوفة بالكلية..
جنت متيمة بأبوج حبيتة حب كلش جبير..جنت مستعدة اضحي بكل نفس علمودة..
جنت اسولف لأمج وهي جانت دكلي اي بس لا تفرحين احنة مو من مستوى..
لان فرق امكانيات..جنت ابجي اريد اعيش بس ويا هو...
هو جان يعرفني ويعرف اني احبة ومراقبتة بس مجان ينطيني وجه..
فد يوم عزمتني لمى ع خطوبتها..وجنت فرحانة صديقاي المقربة حتزوج..
دخلت وهلهلتلهة وشفتها متوترة ودمعة بعينها..
كل ضني تبجي لان حتفترق عنة وعن المنطقة..
بس من دخل العريس واهلة اتفاجئت أبوج هو العريس....وضلت لمى تباوع علية بأسف واني متحملت وطلعت..
مكدرت اشوف الشخص الي احبة يروح من بين ايدي صحيح مجان يبادلني نفس الشعور بس جان تكدر تقرب بينا...
جتيني مرة لبيتي..
لمى: أني اسفة ولا تزعلين مني ما اتحمل..
سهى: شلون طاوعج كلبج تاخذين الشخص الي احبة ها؟ انتي مو صديقتي وع اساس تسانديني بكل شي وجنت اكلج شكد اني هايمة بي واحبة بس انتي شسويتي طعنتيني بضهري..
لمى: مجان عندي حل هو امكانية واني لازم اعيش...اني كلتلج ما اكدر ابقة بهل حياى واكيد راح اطلع منها وانتي راح تشوفين وشفتي هسة اني وين وانتي وين..
سهى: بس انتي مو تحبين همام؟!!! شلون كدرتي تعوفي الولد يحبج ويموت عليج؟..
لمى: جنت احبة وحالتة فقيرة ما اريد انتقل من خراب لخراب وانصحج بنفس الشي عوفي العواطف ع جهة وفكري بنفسج..
♡♡♡♡♡♡♡♡
مينا: شهكت بصدمة..همام نفسة؟...اي نفسى سايقنة...
ضليت صافنة معقولة هاي المرة هيج فضلت نفسها ودمرت الباقين..
_ وانتي شلون التقيتي ببابا..شفتها بجت ومسحت دموعها.. وبريق عيونها ومض...ومنا تأكدت هي شكد تحبة..
ومكدرت احكم عليها لو احقد عليها لان اني حبيت وعرفت شنو هل شعور وشنو تأثيرة بحياة الانسان...
سهى: فراس التقى بية بعد ٧ سنين او اقل من زواجة من امج ...
واني جنت احبة ونفذت كل طلب يطلبة مني وحتة لو جان حرام..بعدين ما ادري شلون والكا نفسي حامل وبالتالي اتزوجنة...جان زواجنا بالبداية سري بعدين كاموا اقاربة يعرفون..
وراهة ولدت دانيا...وكنيت الكره لأمج ومن جيتي انتي متت منج وحاولت احرض ابوج عليج...
لان جان يحبج ويحب امج اكثر من اطفالي..بس دائما يجي ببالي ذكرياتنة اني وامج...
واضل ابجي و اكول ليش الحياة مو هبكد عادلة...
مينا: بلعت ريكي وكلتلها..
_أحس بيج اني هم دا اعاني..
سهى: تدرين لو بيدي جان حاولت بكل طريقة ازوجج من سيف...بس مكدرت ماكو حل..
فيا بنتي اعتبريني صديقتج اختج..ولا تخربين حياتج مثلي... ولا تصيرين مثل امج وتخلين طفلج يعاني.....
مينا: هزيت راسي وكامت من عندي..متردد ببالي بس كلمة شلون كدرت..
كلة صوجها وكل معاناتي بسببها وبسبب بابا لو مكلفين نفسهم يهتمون بية مجان وصلت لهاي الحالة..
بديت احقد صحيح بابا هسة وياية زين بس بسببة دا اتحسر ع راحة...
رحت نمت احاول اصفي دماغي الي ثكل من كثرة صدمات..
وافكر الى متى اتحمل..
كعدت بالليل ..شفت ساعة ب ١١.._ خرب شلون نومة شراح يرجعني انام..
كمت وشفت شكو بالثلاجة اكلتة ولزمت التلفون..
لكيت وسام دازلي...
💬 جهزي نفسج باجر نطلع نشتري ذهب ورة اسبوع العرس..
💬: شنو ليش مستعجلين شكو؟..
💬 انطيت كلمتي وباجر الكاج جاهزة..
💬شنو شعدنا مستعجلين...
مرد علية...استغفر آلله لو بس اكدر اكسب وقت بلكي الغي هذا العرس...
رحت دكيت باب غرفة بابا..
_أكدر ادخل؟..
*اتفضلي...
مينا: بابا هاي شنو وسام يكلي باجر نطلع نجهز نيشان ورة اسبوع يسوي زفة...
وين الحك بابا كلشي ممجهزة اني..
فراس: بابا يكفيج هذا الوقت سوي الي يطلبة..واني اذا تردين احجي ويا؟..
مينا: لا خلف آلله عليك شكرا...طلعت من الغرفة شنوو هلكد مستثكلين كعدتي يمهم..
رحت لغرفتي ابجي وحدي...فعلاً صرت وحيدة...
لا اب ولا ام ولا صديقة ولا اخت حتة دنيا التهت عني...
سمعت صوت دنيا تنهدلي..مسحت بدموعي وانداريت كأن كلشي مصاير..-ها..
دنيا: شبيج تبجين يعني متردين تشاركيني حزنج؟ لو بس اختج بالأسم...
مينا: دنيا اني وحيدة مدا اعرف شسوي بابا ديسمع كلام وسام واني صرت مثل محبس بأيدة ويكلي عرس بعد اسبوع وباجر نطلع نشتري نيشان..دنيا بعدني ممتقبلة فكرة خطوبة شلون رأسن ازوح وآلله زواج مو لعبة علمود هيج يصير بية..
دنيا: انتي مو وحيدة اني يمج..ادري وحقج والله هو هذا السفيه ميستحق وحدة مثلج...
بس شنسوي لا اني بيدي حل ولا بايد بابا ولا بايدج..
حتسوين هذا الشي وتنقضين شرفج و سمعتج حرامات كلشي الي بنيتي ينهدم علمود هذا التافه..
مينا: تعرفين شنو الي يضحك...
دنيا: شنو..
مينا: الشر فاز. وراح يبني سعادتة على حساب تعاستي...متأكدة راح يذوقني المر ..
دنيا: ان شاء آلله ميتحقق هذا الشي وانتي حاولي تصدمين كم شهر وراهة اطلكي علمود نخلص من تهديداتة..
مينا: ابتسمت لدنيا وحضنتني...ياربي لتخليني اعاني اكثر...اقسملي الي بي خير...
اليوم الثاني...
طلعنا الصبح والدنيا جانت نوعا ما معتدلة يصادف شهر التاسع..
طلعت وية وسام لأول مرة وحدنا علمود ذهب...
دخلت للسيارة وهو طلع اغنية وشغل سيارة...اني ضليت ساكتة واباوع ع طريق..
وسام:اي حبيبتي شو نفسيتج جنها مو تمام..
مينا: الجو شوية مينهضم...
وسام: افتحي الشباك وباوعي للجو واتحسري علية او تكدرين بكل بساطة تتأقلمين وية الجو..
مينا: او اكو حل ثاني..اكدر افتح الباب واكمز للجهة الثانية...
وسام: ههههه وانتصر الشر ع خير بالرغم شكد راح تحاولين حيبقة الجو نفسة وانتي الي حتخسرين...
مينا: واكدر افتح شبابيك كلها ويتغير الجو وتجر النسائم الجو الميت مو صح...
وسام: ههههه بأمر من المسيطر والي يمة الجامات...
مينا: هه..سكت ومحجيت شي وصلنا لأبو ذهب اشتريت نيشان.... تخم ذهب وتراجي وسوارات وكلادة وغيرهم من هل اشياء...
بس مجان اي شي نفسي بي..بس مجرد اكول اي اي ع كلشي..حتة صايغ صفن ع سرعتي وعدم لهفتي..
رجعنة للسيارة ودخل وسام وحط الذهب ليورة..
مينا: ترة ميصير هيج العرس بعد اسبوع شلحك..
وسام: ماكو مناقشة علمود تحاولين بكل طريقة تلغين هل زواج..
مينا: اكلك انت شنو مشكلتك تدري بية ما احبك ليش هلكد دا تخربط حياتي؟؟؟...
وسام: وليش اعوف بنت عمي واخذ غريبة وبما ان احنة مو غربة واحد متعود ع ثاني فليش اخسر هيج جمال مثلج..
مينا: شو وكف السيارة... وكفها ونزلت من السيارة..
_اكرهك اموت منك... ما اكعد وية همجي مثلك...جهنم الي تاخذك...
وسام: تعالي كلبة وين رايحة...
مينا: لتجاوز حقير...
وسام: تعالي لا العن والديج...
مينا: عفتة ومشيت..وآلله لو يموت ما اصعد...
وسام:ماشي اطلع دلعج علية من خشمج هسة تشوفين..
مينا: استغفر آلله...مشيت وحدي واجرت تكسي...
نوب يريدني اتحملة وآلله شنو اني لعبة عندة...
وصلت للبيت واني روحي واصلة لخشمي كمشت الطريق كلة ادردم علية..
شلون حعيش وية هذا الهمجي...
فتحت الباب وصعدت لغرفتي...كعدت اخذ نفس ...سمعت بابا يصيحلي..
نزلت جوة...
ها بابا؟.
فراس: لج هاي شمسوية وية وسام..
مينا: بابا انت شايف اسلوبة مال همج متخلف استغفر آلله اصلا هو واحد وغد وجبان لو بي خير ميتزوح بنية يعرف بيها تحب واحد غيرة و يهدد مثل نسوان..
ما اشوف الا وسام طلع من الاستقبال وبدة يخنك بية...
وسام: لج ****.***** هاي علييييية لسانج الزفر...وااله لأربيج يمي كلبة...
مينا: كمت اشهك اختنكت...ايدة قوية وهو اضخم مني ....استغلال القوي من قبل الضعيف...
فراس: عوفها وسام وخر عن بنتييي..
مينا: هدني وسام...ولزمني من شعري...-اخ اخ شعرييييي...
وسام: باعيلي كلش زين وركزي بهل عيون وعد مني حربيج عدل واعلمج شلون تحترمين نفسح وتصونين لسانج مو عبالج اني ابوج وكاعدة تهددين وتغلطين براحتج..
مينا:لطم راسي بالكاع واحس دخت من كثر الضربة...
دنيا: تنكسر ايدة ان شاء آلله ...هاج مينا.. مي اشربي..
مينا: شربت مي وايدي ترجف...باوعت ع بابا بمعنى وين راح اوصل ما اكدر اتحمل ما عندي قدرة!..
فتحت التلفون..
💬شوفي حدزلج صورة منو علمود تعرفين منو اني ..
شنو صفنت هذا شبي أنتضرت صورة تحمل فتحتة عيني انفتحت ع وسعهما..
ووكع التلفون من ايدي وضليت ارجف..
ه..ذا...سي...ف...
الله يلعنك الله ياخذك قربت الصورة اثار ضرب...ضليت ابجي..أني ذنب بكلشي صار ويا...
ما اريد اصير مصيبة ع راسة...ضليت اتلمس الصورة وابجي...
دزيتلة رسالة..
💬اترجاك عوفة...
💬ههههههههه شبيهة اللبوة صارت قطة...اعوفة بس بشرط..
💬قابلة بكل شي بس لتأذي..
💬تنسين شي اسمة سيف وتنفذين كل طلب اطلبة منج...كل غلطة منج بعد زواجنا حتأذي سيف أكثر..
لزمت حلكي واحاول اكتم شهكاتي..
💬 الله يخليك لتسويلة شي...
💬 حبيبتي الحلوة ضلي هيج واني كلشي ما اسوي..
💬 سديت التلفون ودخلت للحمام ابجي أني بلاء على راسة...
ومن هاي اللحضة قررت اكطع كل امل عند سيف وكل امل عندي..
هاهي خسرت بهل الحياة...
انتهيت...
كعدت ثاني يوم بديت أجهز جهاز العرس وية خالدة و صفا ودنيا وسهى..
سكتت كلشي محجيت ولا علقت...
ميفيد كلشي بعد...
من فتحت عيني للدنيا واني اعاني..
ما مكتوبلي الراحة لازم أرضى بالمكتوب...
خلصت التجهيز..وباجر حفلة النيشان...
