مينا:راد يضربهة انضربت طلقة ليفوك الثرية الي جنت جواهة ..
فجئة حسيت نغزات بجسمي وبدت دوخة تسيطر علية باوعت لاايدي بيهة دم بس صورة الي اشوفهة مشوشة ..
بين فاقدة وعي وبين صاحية باوعت على بابا الي جان لازمني وخايف ..بالرغم كل هذا ابتسمتلة حسيت بسعادة يمكن لان
راح اروح مكان اطهر وانقى من هذا العالم.. ١٧ سنة!! عمر طفلة ومراهقة تواجه كل هل حوادث بحياتهة..
فراس: بابا فتحي عيونج لاتنامين هسة يجون الاطباء..
_لج كلبةةةة اذا صار ببنتي شي قسم باللله لاااكطعج وانهيج..
مينا: لحضات وحسيت ناي يشيلوني بس نغزات بجسمي أذتني كمت اون من الالم..
بهاي اللحضة حسيت بفقدان اتصالي بالعالم الخارجي ..اكذب اذا كلت اني مااتمنيت الموت ..اتمنيت ينتهي كلشي..
فترة مااعرف شكد صحيت وراسي ثكيل كوة ادير وجهي سمعت صوت واحد يحجي بس ماميزت من كثر ونين الي جنت احسة ..
سيف: كعدت مينا عمو راح اجيب طبيب..
فراس: الله يرضى عليك وليدي مااعرف شلون اشكرك..
سيف: ولو عمي لاتحجي هيج مسويت شي..
فراس: بابا شلون صرتي..
مينا:حجيت بصعوبة ..بابا راح اموت جاي اتأذة ..
فراس: بابا لاتكولين هيج اني يمج ..
مينا: كمت ابجي حسيت جسمي متكطع..اجة دكتور حرك براسي ..شاطت روحي
دكتور: شنو جاي تحسين هسة..
مينا: كل جسمي يأذيني مجاي اتحمل..
غمضت عيني ضربني مسكنات بالكانونة وطلع ..
غفيت شوية ..كعدت ع صوت بابا يكعدني..
فراس: بابا كومي اكلي جبت اكل..
مينا: مااكدر بابا راسي يوجعني احسة راح ينفجر..
فراس :بابا ميصير بس علمود الادوية تاخذينهة كومي..
مينا: كومني شوية وغسلي وجهي بالمي احس اماكن حركة ..تلمست وجهي مشخط ..
_بابا وجهي شبي ..
فراس: مابي شي بابا..
مينا: رجعت حطيت ايدي حركني وجهي بااماكن ..
_بابا شنو مبي شي وجهي يورمني احسة مشخط اريد مراية..
فراس: بابا ميحتاج شخطات خفيفة..
مينا: كمت ابجي بس كل دمعة تنزل تحرك وجهي من كثر ماتعودت ع الالم كمت مااحس ..اجة بابا مسحلي دموعي.. حضنتة وبجيت...
_بابا لاتعوفني..
قاطع حجي اني وبابا صوت ..عرفتة صوت استاذ سيف..
سيف: الحمد لله ع سلامة مينا ..
مينا: رجعت طمست وجهي بحضن بابا مااريد احد يشوفني هيج..
فراس: بابا هسة ليش تبجين شخطات خفيفة كومي اكلي هسة وراج ادوية..
مينا: سوالي بابا لفة صغيرة اكلتهة حسيت معدتي امتلئت رجعت نمت كعدت شفت دنيا صبح باوعت ع بابا ...
فراس: ها بابا شلون صرتي..
مينا: احسن بشوية..
