مينا: ما اعرف شلون وشوكت وليش طلع واحد وضرب طلقة باتجاهنا.....
هنا بهل لحضة انتهيت بكل معنى الكلمة رجلي ما احس بيها .....
باوعت اكو دم بالكاع طلعوا العالم ع اثر الطلقة اتقدمت زين لكيت بابا واكع وليان الدم يطلع منها.....
ايدي رجفت وعيوني ممصدكة المنضر هاي ليان بنتي؟ بعدها ما احس نفسي الا و كل جسمي يرجف .....
يمكن اتذكر اخذوني للمستشفى وكلام الناس حولي وهم يتأسفون ع حالي....
بعدها كدرت استرد وعي باوعت الممرضات فوك راسي ومشكليلي مغذي....
بحروف كوة تطلع من حلكي...
- وي..ن بن..تي؟...
محد جاوبني جمعت قوتي وكمت من مكاني وسئلتهم ...
- وين بنتي!!!!!!! ...
محد جاوبني كمت شلت المغذي وايدي تنزف.. ركضت من مكاني وافتر مثل المخبلة بممرات المستشفى اريد بس اوصل لبنتي....
شفت دنيا وامها من بعيد وشكلهم يبجون ركضتلهم واني مو بوعيِّ.....
لزمت ايدي دنيا وكلتلها...
- دنيا لولو وينها ليش مدا يكلولي ها خاف اخذتيها للبيت عليج النبي احجي وينها...
شفتها تبجي وتباوع علية بحسرة...
- وينها لولو احجيي ....ليييان وييييييين؟....
دنيا: للي...ان ماتت....
مينا: عم السكوت بداخلي و الدنيا اسودت بعيني تماماً...
رجعت كررت نفس الحجي...
دنيا: مينا ليان ماتت ماتتت دا تسمعينيي ...
مينا احجي عيطي سوي شي لا تسكتين دخيلج...
إنا لله وانا اليه راجعون ...
مينا: لزمتني دنيا من ايدي وتخض بية احجي احس لساني انعقد والدموع بس متجمعة بعيني ما تنزل ما مصدكة عقلي ممتقبل شدا تحجي جسمي رافض اي استجابة.....
بديت اتمشى بالممرات ونفسيي ثكيييييل احس نفسي اطير !!! يمكن لان امشي بلا وعي....
ام دنيا: خالة مينا تعالي وين رايحة....
دنيا: ميينا تعالي....
مينا: انداريت عليهم واشر ما اكدر احجي اي شي...
ام دنيا: تردين تشوفينها...
مينا: اشرت براسي واثر الصدمة براسي واحس نفسي بحلم وهذا كابوس وكلة راح ينتهي....
وكفتني دنيا وجرتني للمكان الي بي ليان واني بس جسد يمشي....
وصلت وشفتها ملفلفة و وجها ازرك وشفتها زركة....عيني احسها راح تنفجر من الضغط.....
و بعدها عيطت بأقصى صوت الي....
- يييييييييييييييياااااااااااااالللله......
بنتيييييييييييييييييي ليييييييييييش يييييالله ليييش ......
رررررراحتت بنتيييييي راحتتتتت من ايديييييييي...
لطمت على خدي وخرمشت وجهي ودنيا تشيلني واني اوكع اجر بشالي و طلع شعري اجر بشعري افررغ وجعي بي....
-لكمممممم بنييتيييييي راااااااحت من اييييديييي....
يبوووووو ياااا عااااااااااالممم بنتييييييي.....
