مينا: كمت من مكاني بعصبية وكلتلة...
- الى متى تبقى تشرب حس على نفسك ميصير هيج يعني اني بنتي شنو ذنبها ابوها هيج اخلاقة.....
وسام: احترميييي نفسج احسن وضبي لسانج مو عبالج كمتي تتشغلين معناتها ترفعين خشمج علية معليج انتي....
مينا:شنووو معلية وفلوسي الي تخلصهم ع القمار والبنات شيسموها والله حلوة هاي شوف صرفة لنفسك ترة لعبتها لحياتي .....
اجة وكف كبالي و العصبية مبينة على وجهة....
وسام: اششش محد كالج تتوضفين....
مينا : و محد كالي راح اصرف عليك يعني هو الراتب قليل اصرف مسواك البيت واحتياجاتي اني و ليان يعني ماكو داعي اصرف عليك همين لو الدنيا صارت بالمكلوب؟!....
وسام: هوووو و وجع لازم تزوهريني من صباحيات الله طالع حسج ما اسمعة...
مينا: طلع وضليت ادردم ميصير هيج مو فلوس حرام علمود هيج اضيعهم ع لاشيء....
رحت لليان تبجي هل ايام كلش متعبتني كمت غيرتلها حفاضتها وشلتها وافتر بيها علمود تسكت....
مسكتت واني وراية شغل البيت وطبخ يعني حياة الموضفة كلش كلش صعبة بس الحمد لله ع كل حال اهم شي اكو سقف فوك راسنة....
خابرت ع دنيا كلتلها تجي تساعدني....
ورة ساعة اندكت الباب ودخلت دنيا...
بوستها و ليان طفرت عليها وتضحك لان تعرفها...
-اخذيها تعبتني....
دنيا: حبيبة خالتوو انتييي يمة فدوة وفداوي لهل جمال معليج بماما شوية نفسيتها تعبانة...
- صدك شكلج مو ع بعضج شصاير...
مينا" سولفت لدنيا ع وسام اني واتحرك بالمطبح...
دنيا: عزاا هذا شبي مو لهل درجة فد مرة بعد انتي غسليلة...
مينا" لج والنبي لعبت نفسي يجي بالليل سكران والفلوس ما اعرف وية يوديها ابد ممقتنعة بسالفة السلفة ورا شي متأكدة...
دنيا : باعي اشتركي سلف وضمي الفلوس كليلة مشتركة سلف بس تطلع انطيها الك قشمري علي...
مينا:ههههههههه اقشمر علية ضحكتيني والله وبلكي خلصت السلفة وسئلني وين الفلوس...
دنيا: يحلها الف حلال لولو ما شاء الله نشيطة فد مرة هاي بنتج خل تكبر تشوفيها ياهو الي يضوجها تضربة بوكسي شوفي خرمشت ايدي...
مينا : ههههههههههه فدوووة على امها تطلع قوية بس كون حظها مو مثل حظي...
دنيا: اسم الله عاد هو حظج المطعطع هم حظ...
مينا: الحمد لله احسن من هواي ناس اعرفهم لو تشوفين المدرسات الي ويانة تشبعين قهر تصدكين لو نص المدرسات حالتهم المادية زينة جان ولا وحدة درست....
دنيا: الله يعينهم يارب باعي راح اروح انضف الكراج(الطرمة) بينما انتي تسوين باقي البيت...
