ملاحضة: شغلوا اغنية مقسومة نصين علمود تعيشون كل لحضة بالبارت...
♡♡♡♡
مينا : راح سيف..احس انطاني طاقة
ايجابية اكثر صار عندي امل بالحياة معقولة راح ننجمع؟؟ احس نفسي طايرة من فرح الى أن شافني بابا واكفة ومتجية ع حايط ...
فراس: ليش واكفة هنا..
مينا: حسيته مشافني اني وسيف من حجينة...._اختنكت من جو البيت هم ميصير اطلع افتر؟...
انتبهت عليه سكت وراح بدون حجي..
مرات الانسان يوصل مرحلة ميكدر يعبر عن الي بداخلة ماكو كلمه تلمس الشعور الي بداخلة...
فالسكوت احيانا يعتبر عتاب طويييل الى ابعد المدى ..عتاب يخلو من اي كلام...عتاب روحين متألمين....
اخذت نفس ورحت لغرفتي..يالله شلون يوم ...شفت دنيا متمددة..
جنت متمددة ع جرباية...صفنت وكلتلهة
_دنيا!..
عدلت كعدتي ودرت وجهي عليهة..
دنيا: ها!..
مينا: شفت سيف اليوم.
دنيا: عزا شنوو؟ شوكت؟ شحجيتو؟؟..
مينا: هههه ع كيفج ..اليوم جرني للمخزن وحجة وياية كالي ابوج مسمع مني فأحسن شي ننهزم..
دنيا: شنووووو مينا شنو انهزام صدك تحجين..
مينا: اش اش نصي صوتج هسة يسمعوج..
دنيا: بس مينا متأكدة هذا قرار صحيح؟..
مينا: هو هذا الي شاغل بالي.. من جهة حكون ويا بس من جهة ما اعرف شلون راح اعوف ابوية كدام عمي بهيج موقف..
دنيا:مينا فكري زين بهذا القرار بلكي نكدر نقنع بابا منا لنهاية الاسبوع..
مينا: لج دنيا تعبت متأكدة سيف حيهتم بية ويصوني بس بابا حاولت ويا وسيف حاول ويا بس هو مصر ع قراره..
يعني لو اكو طريقة ثانية جان ضليت بهذا الموقف؟..
ولا تنسين هذا زواج مو لعبة...افترضي ازوجت واني مراضية شلون حتحمل اعيش ويا.شلون حخلي يقرب عليه...واذا صار عندي طفل متوقعة اخلي يعيش الحياة الي عشتهة اني ؟!..
اذا اني ما اوفر الا بيئة زينة وبيهة كل الحب شلون اكدر احط طفل صغير بهذا الموقف؟ يعني ادمر حياتي وحياتة ع حساب قرار ابوية..لا لا مستحيل ما اريد هذا الموقف..
دنيا: هم صح..اوف ياربي شكد شي صعب..
مينا: واصعب مما تتوقعين... اجة مسج ع تلفون دنيا..
دنيا: ها هذا سيف ...كاتب خل مينا تحضر نفسهة باجر اجي اخذهة..
-شكتبلة..
مينا: عضيت شفتي وبديت اتوتر ..اتخذ هذه الخطوة لو لا؟..
لا ما عندي حل ثاني..-كوليلة ماشي..
دنيا: اوكي..بلكي الله يهدي سركم ويهدي ابوية عليكم..
مينا: امين..كعدت صبح نزلنة اتريكنة اخذت جاي وكعدت بالهول افكر..
-يالله ساعدني...حطيت راسي على كرويتة واتمددت...
