سيف..
جنت كاعد بالهول وبأيدي آدم العب ويا و رنا جانت تفتر بطنها شكبرها مبقة شي ع الولادة ...
اخذت سونار وعرفت جنس الجنين جان ولد كيفنا وبستها براسها وآدم فرح راح يصير عندة اخ....
جتي رنا باوعتلي والدمعة بعينها...
رفعت راسي و حطيت ايدي على حنكي مجهز نفسي أستمعلها....
اجت كعدت يمي وبدت دموعها تتناثر....
عدلت كعدتي وكلتلها..
_ اكو شي شاغل بالج؟..
رنا: سيف اريد اعترفلك بشي...
سيف: خير ان شاء الله ؟..
رنا: سيف اني حملي خطر و....
سيف: خاف هاي حالة نفسية قبل الولادة لا تشغلين بالج....
رنا" لا سيف الدكتورة قبل ما اصير حامل انطتني علم ان الحمل الثاني راح يكون خطير لان بالمرة الأولى كوة سيطروا ع الولادة وحذرتني مااصير حامل من جديد لأن عندي مشكلة بالقلب ....
سيف: كمت من مكاني بعصبية...
شنو وليش ما ادري بهذا الحجي؟....
رنا: ردت أخ لآدم يسندة ما طول بعدني بشبابي...
سيف: رجعت شعري ليورة وباوعتلها مصدوم...
- يعني تعرفين هذا شي خطر وجازفتي بي مدري شحجي وياج .....
رنا: ادرري و اعرف بنفسي غلطانة بس ما بيدي ردت بس اخ لآدم...
سيف: شكد نسبة خطورة العملية؟...
رنا: ما اعرف بالضبط بس ادعيلي تمر ع خير....
سيف: اخذت نفس وكلتلها..
-ان شاء الله...حسيت نفسي محتاج اطلع لأن صدمتني بحجيها...
-اني طالع....
بوقتها دا اريد اطلع وسمعت صوت طلق برة بكثرة....
رجعت للهول وعيطت لرنا تطب بالغرفة وتاخذ آدم...
رحت للغرفة وطلعت سلاحي...
رنا: سيف ويين خاييفة ابقة يمنة.....
سيف: رحت بست آدم وكلتلها...
-ضلوا اهنا اشوف شنو الصاير دير بالكم تتحركون...
اخذت تلفوني وخف الطلق شفت ابو مينا جاي يركض بالشارع....
وكالعادة احنة العراقيين دمنة حامي رحتلة واتضح ان الرمي صار ع بيتها....
انكمش كلبي بس شعور بداخلي يكلي ما بيهم شي سالمين.....
رحنا للبيت وشفتها لازمة بنتها الي تصرخ وهي تهدي بيها وتبجي.....
بهذا الوقت صار رمي خفيف بعدين اختفة....
بعدها دك تلفوني رفعتة جانت رنا تبجي مخترعة وصاير عدها نزف.....
هديتها واستأذنت من ابو سيف و مشيت للبيت بسرعة خابرت عادل وام رنا وابوها....
اخذتها وهي تبجي ووديت آدم لبيت عادل يم مرتة والجهال....
راسي انفجر من التفكير بمينا ساعة وحالها وبرنا ساعة وشلون راح تولد ع خير...
رحنة للمستشفى وشفت ام رنا وابوها سابقينة و واكفين يترقبون ....
