سيف: جان مبين بعيونها الفرح بس عيوني تحاول تمشي الوضع عادي بس بداخلي فراغ هوووواية جبييير....
حاولت اكتم مشاعري بداخلي وما اخليها تحس بهذا الشي بالرغم عيني تفضح كل شيء..
رنا: احم...صافن؟...
سيف: احم هيج شردت شوية..
رنا: ها..
سيف: شفت بعينها حزن خفيف حاولت اقلل التوتر وكلت..
تريدين نروح نتعشى...
رنا: امم بكيفك..
سيف: رحنا تعشينا و طلبنا كباب فتحت هاتفي واصفحت فيسبوك شوية..
رنا: احم..شلونة الشغل؟..
سيف: غلقت الهاتف و عدلت كعدتي...زين الحمد لله وانتِ..
رنا: الحمد لله بس هل ايام صاير لود( كثرة) بالشغل ومنا البيت واحد ميلحك...
سيف: اي صح شوية الشغل متعب...واني كلتلج براحتج اذا تبقين بالشغل او لا...
رنا: اي تصدك ما اعرف اعوف الشغل اتعلمت اكون موضفة واركض طول الوقت هههه...
سيف: أومأت الها بان حجيها صحيح..بعدها اجة الاكل و بدنيا ناكل بصمت..
خلصنا العشى ووصلتها لبيتها..رجعت للبيت تعبان شلون يوم...
ضغط جسدي ونفسي بنفس الوقت..
عادل: ها سيوف بشر خوما خوفت البنية..
سيف: عقدت حاجبي...لا خلينا تخويف الكظ.
عادل: هههههههه ضاهر تعبان يلا اكول خطية واتركك تنام..
سيف: رحم الله والديك...
دخلت بدلت ونمت بسرعة من التعب....
بعد ثلاثة اسابيع قررنا نسوي العرس...كل شي صار بسرعة جبيرة و غير متوقعة....
لبست قاط وعدلت شعري واسمع صوت الهوسة برا الغرفة...
طلعت واشتغلت الهلاهل...وسلمت علية عماتي وخالاتي اجتي بس وحدة...
واقارب اعدادهم هواي حتة حرت منين اسلم..
رحت طلعت للكراج استلموني الولد هوسات ودبكة ...
اجواء السعادة جانت تغمر البيت ...واجواء التعاسة بداخلي مدفونة...
دبجت وية الولد و بعدين جتي ربى بنت عادل تصفك..شلتها من الكاع...
_ اروح قربان لحبيبة عمها شلون فرحانة بالعرس..
عادل: والله كلنا فرحانين ممصدكين معقد العائلة راح يتزوج....
سيف: ها ها تضحك..
عادل: ههههههه يمعود فكها..
سيف: صدك عادل وين زينب مشفتها اليوم..
عادل: زينب راحت للصالون وية البنات المفروض حسام يروح يجيبهن هسة..
سيف: ها كلهم خل يستعجلون....
عادل: ماشي شو مستعجل خيرك هههههههههه..
سيف: يمعود زحمة من العالم يلا اني اروح من ارجع الكاكم جاهزين تمام..
عادل: وين رايح..
سيف: لمكان ما اتأخر..
عادل: تمام لا تتأخر..
مينا..
بعد مكالتلي دنيا اليوم عرس سيف احس نفسي دخلت بحالة صدمة ونفسي بدة يقل..
_ شنو اليوم عرسة شدا تحجين دنيا شبيج تخبلتي ومنين تعرفين...
شنو! اتزوج؟واني وين؟!...شلون كدر؟؟؟؟...
احجي لا تستكين...
شنو اتزوج احجيي...
كمت الهث و اهفي لنفسي احس جسمي نار...
دنيا:هو اتزوج و بلغني اكلج علمود ..
مينا: علمود شنو ها...
دنيا: علمود لا تأذين نفسج بعد..
مينا: ههههههههههههههخ ليش اني مأذية نفسي بسببة؟! بسبب ضلم وسام الي؟ شلون سوة بية هيج شلوووون واني كلت اتطلك وبلكي يصيرلنا نصيب شلون يغدر بية بهل طريقة شلون يعوفني بنص الطريق شلووون؟..
ضليت الطم على راسي ودنيا تهدي بية...
-لج دنييا لييش ديصير هيج بية لييش مدا يصيرلنا نصيب سوة ليش اني من دون الناس حياتي هوسة و كلها قهر...امووت روحي وارتاح احرررك نفسي شسووي فهميني الي احبهم يروحون من ايدي بكل بساطة..ليش يارربي زرعت حبة بداخلي وبعدين فرقتنا وتخليني اسمع اخبارة ياربي ليييش ....
ابجي ودنيا تواسيني كمت من مكاني ورحت للحمام غسلت وجهي و لأول مرة شفت وجهي بالمرايا السواد الجوة عيني اثار الضرب ....
ها هي ضيعت سنين من حياتي بهل دوامة لازم اسند نفسي بنفسي...
طلعت وبدلت ملابس طلعة مرتبة..
_راح اروح لمكان بسببة بدت هل احداث بية...
دنيا: وين رايحة اجي وياج خاف تسوين بنفسج شي.
مينا" لا اروح وحدي اكو اشياء لازم انهيها لا تخافين اجي..
طلعت من البيت وام دنيا تتسائل وين رايحة خبرتها عندي شغلة اسويها واجي ما اتأخر...
من هاي النقطة لازم انهي كل شي ياذيني...
رحت للمكان الي بدت هل حوادث بسببة لهذا المجمع الي تورطت رانية وية وسام الخنيث و من خلال هل مكان تعرفت ع سيف حبي الأول...والي عانيت هوواي علمود يبقى حبنا و جان عندي امل للدقيقة هاي بس هسة عرفت اني جنت اخدع نفسي بهذا الحجي..
هو اتزوج واني اتزوجت بعد على شنو أمل نفسي؟!..
كعدت على المصطبة واباوع لكلشي حولي اتذكرت من جان عمري ١٦ و من جنت اكعد بهذا المكان واكل لبلبي...
جان همي اقل من هسة!...
رفعت راسي ليفوك والدمعة بعينيي...
حوالي نص ساعة اني كاعدة بهذا المكان مسحت دموعي وكمت من مكاني ونضرات العالم جانت تخترقني عبالك مسوية شي خطأ...
اخذت جنطتي ومشيت بس سمعت صوت يندهلي...
هذا الصوت والنبرة والحدية نفسها!...
انداريت اريد اتأكد من صاحب الصوت..
-سسيف...
باوعت علية لابس قاط العرس والكشخة مبينة علية.. بس احس اكو بعيونة حزن مخبة..
اتغيرت ملامحي من حزن لخيبة أمل...باوع علية وكال..
سيف: شنو تسوين هنا..
مينا: المفروض اني اسئلك هل سؤال شنو تسوي هنا واليوم عرسك؟ هاا ههههههه مبرووك عريسنا بالرفاع والبنين تتهنى ان شاء الله يلا اني رايحة..
سيف: ليش تجاوبين سؤالي بسؤال؟.
مينا: جاوبت ولة لا راح يغير شي ها؟ راح يغير انت حتزوج ؟ هه طبعا ميغير..
سيف: رفعت حاجبي واكو خنكة جواي..
- انتِ همين متزوجة؟ لو نسيتي؟...
مينا: باوعت علية و شعور بداخلي انجرح من هل كلمة..بس اني انجبرت!...
_ اي صح متزوجة و همين زوجي ينتضرني تعرف اني و زوجي واحد يحب الثاني!...
مشيت واني استهزء مفروض ميجرحني بهاي الكلمة...حسيت اني متزوجة برضاتي؟...
من هذه اللحضة قررت انساه لسيف بس مستحيل اكمل حياتي وية وسام...
راح ارجع وية وسام وا احاول اكمل كليتي واشتغل اكون نفسي و بذاك الوقت اضوك وسام المراراة الي ضوكنياها...
اكو نقاط بحياة الانسان هي الي تجبرة يتغير..
اي راح اتغير وما اخلي دموعي تنزل لأي سبب..
مشيت ووصلت للبيت فتحت الباب ولكيت دنيا كاعدة على المرجوحة وحاطة ايدها على خدها..
شافتني ركضت..
دنيا" خوفتيني عليج خوما بيج شي ها احجي؟...
مينا: مبية شي لا تخافين رجع بابا اريد احجي ويا..
دنيا: بعدة مجاي كال ربع ساعة ويجي..
مينا" تمام...كعدت على المرجوحة واهز بيها...كافي هواي اتأذيت اريد اكون نفسي..
راح ابتعد عن الاشياء الي تبجيني هاهي كافي حزن...
اجة بابا شافني كاعدة على المرجوحة اتفاجئ بية..
اجة كعد يمي وحط ايدة على راسي...
ربت على راسي بكل حنية..
فراس: بابا شلون صرتي..
مينا: الحمد لله بابا...تعرف بابا اني راح اتغير اريد اسعد نفسي مليت من الحزن..
فراس: ان شاء الله بابا شتريدن اني حاضر..
مينا: متقصر...بابا خابر عمو خل يجي اريد نتفاهم ويا..
فراس: بنتي اذا اكو قرار ببالج ادرسي من كل الأحتمالات علمود لا تجين وتتندمين بعدين..
مينا: اي ان شاء الله...دخل بابا جوة وصعدت فوك اتفقنا يجي عمو ووسام باجر وفعلا مر اليوم واجوي واني احاول اصير قوية ومحد يهزني.. لبست وتمكيجت كأن كلشي مصاير وياية..
دخلوا وقدمتلهم مي..
دخلت وكعدوا كلهم وبابا هم..
-عمو هاي كدام بابا ووسام واختي دنيا اني اعتذر منك لان جان تصرفي من جنتوا موجودين خطأ واتمنى تعذرني جنت بحالة يرثى لها ومتأزمة..
العم" ماشي عمو ولو ادري بيج كلبج طيب بس من حركت كلبج..
مينا" اخذت نفس وكلتلة..
- تسلم..واني احب اعتذر من وسام لان عليت صوتي علية اعتذر ع هذا شي بس مستحيل اسامحه ع الي صار بية وبسببة..
انتبهت عليه عقد حاجبة...
سكتت وبابا كمل حجي...بعد ما انتهى حجي بابا...
العم: واني هنا كدامكم اعتذر من مينا واطلب منها تسامحني وتسامح ابني...لأن مينا بريئة واحنة عرفنا منو الي سوة هل فعلة وورطها واحنة هواي خجلانين من عندج بنتي اتأذيتي بسببنا والج حق تاخذين القرار الي يناسبج..
مينا: رفعت راسي بصدمة ...الله كريم بعبادة و ميخلي الضلم يسيطر على الشخص طلعت حوبتي وبرائتي و ثبتتلهم اني مو نفس امي !!اني غير...
يتبع....
