مينا:حسستني اني مو زينة انت جاي تدخل بية..واذا اطلع لو لا شي يخصني...
اجه لزمني من حنجي..
_دا تأذيني ..
سيف: تلزمين حدودج وياية احسن الج طلعه منا ماكو ابقي انتي وتوم افتهمتي!!!!!!..
مينا: بعد ايده من حنجي ضليت افرك بي من وجع..استغفر الله يحاسبني اكثر من ابويه .طلع وسد باب ورا..فزو التوم رحت
كمت طبطبت عليهم ..ناموا..اتمددت يمهم متكسر حطيت ايدي ع عيني ونفخت بتعب..فزيت ع فتحة الباب طلعت امهم ..
رسل: ها حبيبتي اعتذر خاف كعدتج ..
مينا: لاعادي..
رسل:شفت سيف طلع عصبي شنو بي..
مينا: ماادري ليش هيج يتصرف..يكلي لاتطلعين من غرفة بهيج ملابس وحتى قبلهة جنت مبدلة ملابس مبيهة شي صاح علية
ورجعني للبيت بدلتهة وهم مراضي ع لبسي ..
رسل: يولي راح اكلج شي واعتبريني اختج الجبيرة..
مينا: اتفضلي ياريت..
رسل: بيني وبينج مبين يحبج حتى من اجة للمطبخ ضل بس يباوع عليج وانتي جنتي ملتهية بالتوم..
ولاتضوجين منيحاسبج يجوز يغار عليج لهذا تشوفي هيج حريص عليج..
مينا: باوعت عليهة بس بنفس الوقت سئلت نفسي يعني
تصرفاتة واضحة هيج للعالم واني جنت اكول ميحبني لان محاجي وياية بهذا الموضوع..
_بس هو مامصارحني بهذا الموضوع؟..
رسل: يمكن ميشوف منج مبادرة او ينتضر وكت مناسب الله واعلم..
مينا: نفخت بتعب..اتمددت وضليت افكر يمكن اسئت لسيف
لمن كتلة لاتتدخل بية..ضليت صافنة باوعت ع رسل نامت بصف التوأم..غمضت عيني ونمت..كعدت الصبح على صوت التوم
يبجون..كمت افرك بعيني باوعت رسل ماكو..كمت حطيت التوم ع ركبي وضليت اناغيلهم انفتح الباب باوعت رسل اجتي ..
_صباح الخير..
رسل: صباح النور يكلبي اعذريني مسمعت صوتهم من بجو..
مينا: على شنو اني بالنسبة الي الاطفال كلش احبهم واحب
اهتم بيهم احس نفسي بعالم ثاني طفولي اكثر بي برائة اكثر..
رسل: ياعيني شكد حلو يارب يبقة هيج رأيج حتى بعد
ماتزوجين اني هم جنت مثلج بس هسة لان صارت مسؤليتهم اكثر كمت اتعب ومرات اضوج بس من اني مرتاحة وصافية الذهن اكعد العب وياهم ..
مينا: اكدر اجاوبج بيمكن لا ..اني انحرمت من وجود اخ الي او اخت وانحرمت من اللمة الي معضم ناس تضوج منهة..شعور
تاكلين وحدج وماكو احد تحجين ويا بين قوسين الوحدة
كلش قاتلة اتخيلي عايشة ببيت لااب ولاام ولااخ ولااخت مجرد صديقة قريبة عليج ولسنين مو ليوم او يومين..
رسل: ياعيني هم صحيح اللمة مهما هوسة حلوة ..بس اسئل سؤال اذا تردين جاوبين علية او لا براحتج..احسج مهمومة وانتي بعدج صغيرة ..وين ابوج وامج ؟..
