سيف: ديري بالج على نفسج ان شاء الله نشوف حل صيري قوية مثل معرفتج اول مرة..
مينا: نضراتة تحسسني بالثقة التامة بية بالرغم مرات افتقد هذا الاحساس لنفسي...
احساس الثقة بالمقابل مستحيل احد يشارك هل مشاعر بسرعة جبيرة..
المشاعر بحياة الانسان شي صعب..لان يعرف الانسان ان اي شعور ينعطي لشخص راح يأثر عليه بالمستقبل اما بسعادة وإما بحزن..
ضليت حاطة ايدي على خدي وصافنة..
فاطمه: يمة الحب صافن شوو..
رانيا: امم يصافن بالراح قبل شوية..ترة مصايرة هيج الريال حتخنكي بنضراتج..
مينا: ههههههههههه لج ياخنك دا افكر بشي..
فاطمة: شنو هل شي ياحلوة؟
مينا: فاطمة تدرين احس بخووف دائما..
فاطمة..من شنو؟؟
مينا: خوف ان اكسر ثقة سيف بية فد يوم..
خوف ان مااكدر اشوفة بعد او افقدة..
هو شي الوحيد الي يخليني متمسكة بالحياة..ما اتحمل فكرة يغيب ولو للحضات عني..
خايفة من مشاعر فقدان او اكسر ثقتة بية...
فاطمة: كولي يالله مينا ليش هيج تفكرين..
رانية: ولي مينا ام الافكار السلبية آلله ميخلي اثنين يحبون بعض يفترقون..آلله رحيم وعادل ميأذي عبدة لو نسيتي هذا الشي؟؟..
مينا: ونعم بالله.. مااعرف يمكن تفكيري هيج من تعب هل فترة..
فاطمة: الله يساعدج يروحي ديالله كومي لا نغلس ع محاضرة ثانية..
مينا: هههههه اووك..
♡♡♡♡♡
٤/١٦/٢٠٠٩
مينا: ماعرف ليش وشنو السبب الي يخليك تسوي هل تصرفات وياية..
اني بنتك ترة بنتك من لحمك ودمك..دتحطمني هيج دتمحيني..
وين اكو اب ديسوي الي تسوي وياية..بابا الله يخليك كافي تعبت اني كافي هيج تأذيني بي..
فراس: من سابع مستحيلات ازوجج لهذا افتهمتيي..
مينا: ليش بابا شنو سوة الولد اجة اتقدملي ٦ مرات..وانت تعرفة ومعاشرة..ليش ترفض..
يعني اليوم فشلتة كدام عمامة ليش بابا..
فراس: اني حذرتج ونبهتج اذا يجي هل مرة افشلة كدام اهلة وانتي كأن ماتبتي من عندة..
قسم بالله مينا اذا شفتج او لمحتج حاجية ويا اكسرج وأذي هو همين مو بس كدام اهلة كدام عشيرتة كلهة ماارييييد نقاش بعد ..
مينا: طلعت من الغرفة دمي يغلي..يا ربي شنو اسوي اني شنو اتصرف..
ابتعد عنة؟ ..لا مااكدر هيج مستحيل..بس هو حيتأذة اذا يبقة وياية..
ياربي ليش هلكد اني منحوسة ليش الي احبهم دائما يتأذون ويعانون..
"معضم القرارات تحقق انتصارات ومعضمها يخلق حطام"
