وسام: لهذا اليوم اني الوم بنفسي و كوابيس تلاحقني لان كتلت ابني بأيدي دا احاول أكفر عن ذنب الي ارتكتبة .....
مينا: اخذت نفس وكلتلة...
- ادعي الله يسامحك اما بالنسبة الي بقي كلشي للزمن مو كلشي ينكسر يتصلح ولا كلشي انهدم بداخلي يرجع مثل الأول بس اني راح احاول اغض النضر شوية وابري ذمتي كدام الله.....
انتبهت علية سكت ضليت افتر بالبيت واشوف ديكورات والاثاث ....
بدينا ورها ننقل الأغراض بس صمت جان كلش جبير...الحذر زااد عندي اكثر من اي فترة اخاف من التغير المفاجئ بحياة وسام واخاف من القادم....
مر على كعدتنا اسبوع والوضع تمام ماكو اي مشاكل وسام يطلع للشغل الصبح ويجي الضهر ويطلع من جديد واني انضف البيت واطبخ....
حسيت براحة اكثر بيتي واني ارتبة على ايدي وماخذة راحتي باللبس والكعدة من نوم.....
طبعا بهل فترة وسام ينام بغرفة واني بغرفة ما اتقبل قربة مني و ما اكن الة اي مشاعر...
واليوم عازمين بيت اهلي وبيت اهل وسام يجون يباركولنة ع البيت...
وكعدت من صباحيات اطبخ كلشي سويت دولمة دجاج محشي... سلطة...مقلوبة....
كثرت وسويت كيكة ....
اجة وسام جايب ويا فواكه...
وسام: ها شسويتي اكل...
مينا: كلشي وكلاشي😬...
اجة وقرب يمي كمت اتجنب احط عيني بعينة من الموقف الي سوا وياية اخاف منة لهاي درجة ...
وسام:كلشي من ايدج حلو...
مينا: ههه شكرا اااا ..اروح اكمل تمام ..
وسام: بس انتضري...
مينا: لزم ايدي باوعت علية..-نعم...
وسام: ليش هلكد جافة وياية ومتحطين عينج بعيني...
مينا: وشنو ممكن اسوي غير هذا الشي؟...
وسام : حاولي تقللين هل جفا ارجعي نامي يمي...
مينا: مستحييييل....ما احس الا وضربني على وجهي...
وسام: مو اكلج ميفيد وياج عيني واغاتي باعي زين اذا مترجعين اليوم تنامين اسحلج من غرفتج واتفنن شلون انتقم منج افتهمتيييي واتذكري اني مو بس اهدد لا وانفذ همين يلا وخري من طريقي اريد ادخل...
مينا: اندنيت من مكاني وايدي على خدي احس الحرارة تطلع من وجهي...
الله يلعنك اني وين دخلت نفسي بيا متاهة كلة من ايدي اخخ لو مملتقية بيها جان اني مطلكة ومخلصة...
رحت لحمام وسبحت وبدلت ملابسي طلعت باوعت أثر الضربة بعدة بوجهي....
حطيت كريم اساس وخفيتة بعدين كملت مكياج خفيف ...
حاولت انسى الضربة وما اخرب واهسي اليوم
وهسة سنة ٢٠٠٦ والطائفية منتشرة بكل مكان و كل واحد يصيح ويقتل الي مو من طائفتة....
الناس همها الوحيد صار منو سني منو شيعي محد مرتاح بحياتة لان وين ما ادير وجهي الكة الوضع من سيء لاسوء.....
اندكت الباب لبست شال وفتحتة دخلوا اهلي بوست دنيا وبابا وام دنيا واخوية الصغير....
يا صغير هو كبران هسة ههههههه...
- زارتنا البركة...
فراس: البركة بيج بنتي وين وسام موجود...
مينا: اي موجود جوة اتفضلوا ليش واكفين قابل غربة...
طلع وسام وسلم على بابا وفتحنالهم الاستقبال واني اخذت ام دنيا ودنيا للهول...
واخوية راح وية بابا....
ام دنيا: ماشاء الله البيت مرتب ان شاء الله تتهنين ...
مينا: تسلمين خالة...
دنيا: اي بالله احجي مرتاحة لا...
مينا: الحمد لله ع الله...
دنيا: امممم بعدين نتفاهم....
مينا: ههههه ماشي...ورة نص ساعة اندك الباب وطلع وسام اجوي اهلة..ضليت افرك بأيدي من توتر وابلع ريكي...
دخلوا وحاولت اصير زينة واسلم بشكل عادي بس الي يشوفني يكول هاي مبين حاقدة وكارهة وجودهم...
وراها اتمالكت نفسي ورحبت بيهم ....
دخلوا وندهت لدنيا تجي تساعدني ننكل الغراض...
وراهة دخلت نورا و بيدها ابنها والباقين يم ابوهم وبوستني..
نورا: لج هلا بالذات مشتاقتلج...
مينا: ههههه اني الاشوق بس المشتاق يسئل...
نورا: شوفة عينج من ركضة لركضة كوة الحك احك شعر راسي وهااا باركيلي حيصير عندي نونو جديد...
مينا: فدوووة الف مبرووك تولدين بالسلامة يا احلا ام...
نورا: ههههه تسلميين يوم الالج واني متأكدة حتصيرين ام تخبل...
مينا: ههه مادري...
انطيت لدنيا السفرة علمود تفرشها وبديت ارتب الغراض بمواعين والبنات ينكلون....
