مينا: جان بابا موجود اندك الباب كام فتحة وطلعنة ورا.. شفتهة وانعاد شريط الذكريات ببالي..
شكلهة وهيأتهة ووكفتهة احس بديت بداخلي اشتاقلهة بس دائما كلشي عكس واقع الي نريدة وعكس احلامنة..
رجعت مواقفها وخياناتهة وضربهة الي بدة كره يتنمى بداخلي ..
اتوترت واتراجعت اشوفهة..شفت بابا كام يعيط ويصيح حطيت ايدي على اذني وكمت ابجي راد بابا يلزمهة ويخلص عليهة بس ادخل سيف واهلهة جانو موجودين ..
رحت للمطبخ باوعت عليهم دخلوا للهول وكعد بابا على التخم اجة سيف دخل للمطبخ..
بدت دموعي تنزل.. واناشغ مثل الطفلة الي تحتمي بحضن ابوهة..
_لييش رجعت يارربي..
بدة يمسح دموعي ويكلي..
سيف: صيري اقوة وروحي اوكفي يم ابوج ولاتخلي وحدة لهذا الموقف هو يحتاج توكفين يمة مو تبجين هنا..
مينا: هزيت راسي وصبيت كلاصات مي(ماء)..قدمتلهم
كعدت بصف بابا..وانتبهت ع سيف طلع من البيت..
بدة نقاش بصورة حادة وابوية يصيح واهلهة يصيحون احس نفسي تائهة ضليت بمكاني متصنمة..
بدت امي او المرة الي سميتهة امي تطي اعذار وتريد ترجع لاابوية..
ام لمى: ابني فراس امسحهة بوجهي ادري غلطة وصارت هي جانت هم عدهة اعذار شسوي وليش تدمر حياتك وحياة طفلة ع الاقل خل تبقة علمود مينا ..
فراس: اهانتني كرجل ودخلت واحد لبيتي شيكولون علية كرن وزوجتي تلعب لعب وهو مثل خروف ساكت ..
لمى: انت الوصلتني لهاي مرحلة باافعالك ..
فراس : لج ماغزر بيج الصرف والبيت عيشتج احسن عيشة حبيتج من كل كلبي عاندت ابوية وامي علمود اخذج..
كلولي كح** وبنت **** ومقبلت يحجون عليج..
هيج تجازين حبي الج؟؟؟..
واطلع من صبح وارجع بالليل علمود مااخليج تعيشين بحسرة مثل نسوان..
لج انتي حلال عليج الكتل تدرين..
ومينا جنت اشوفهة مضروبة ومااصدك احد من جهال هيج يسوي...
جان عندي شك انتي دا تأذين بنية لان تكرهيني بس ولا فد يوم بنية اشتكت ..
انتي مدمرتي نفسج بس دمرتي بنتي وحياتها وراحتها..
مينا : انتبهت على بابا طلع سلاح ..وحطة براسة..
_ باابااااااا لااااااا بابا الله يخليك بابا منو الييي بعد بابا نزل سلاحك بابااا ماعندي احدد بعدد..
لمن يوصل الانسان لثانية تحدد مستقبل حياتة..
اذا اخسر ابوية بمثابة خسرت راحت بالي و اهلي وكل شخص يعنيلي..
ضليت اصيح على بابا يترك سلاح..
فراس : اعتذر بابا سامحيني مجنت اب زين الج ولا راح اكون اب زين سامحيني امج سببتلي عار وهسة راح اخلص منة اثنينة..
