مينا: ليش بهذا وقت يريدوا و ما انتضروا للصبح معقولة صاير شي !!....
شلت آدم و انطيت لبابا خبر و كال اني حوصلج...
طلعنا مشي لبيت سيف بعدها بابا كال انتضرج برة...
هزيت راسي و دكيت الباب طلعلي عادل بس شافتي نزل راسة و فتح الباب..
بعدها حجة وية بابا اني جنت واكفة و بايدي آدم بعدها دخلنا لغرفة الأستقبال و هناك جتي رسل و سلمت ع بابا الضاهر جانت تعرفة وراها سارة و التوأم و بنتهة الصغيرة هم دخلوا سلموا....
قدمتلنا العصير و ابتدأو يحجون ع الشغل و كذا جنت صافنة و جتي رسل لكزتني و كالتلي تعالي بغرفتي نحجي...
كمت من مكاني و أخذت آدم ما ادري ليش ...رحنة للغرفة و بدت رسل تحجي..
رسل: لج عيني كلش اعتذر منج ع الي صاي بس مو بيدي...
مينا: حركت عيوني بعدم اقتناع و كلتلها..
- بأيد منو لعد....
رسل" يجيج الرزق بس لا تستعجلين علية..
مينا: ههههه شنو..
حجت وياية رسل لحضة رجوع سيف للبيت..
رسل" جابوا فرقة موسيقية عزفت و الولد كلهم دبجوا ع رجعتة سالم و عادل سوالة عزيمة لعمامة و خوالة بحيث اني انتهيت من التعب خطية سرو بنتي هم تعبت وياية...
بس لو تشوفين الأجواء كلش حلوة الحمد لله عدت ع خير..
مينا ( بأبتسامة): الحمد لله و الشكر ع كل شيء...
كمت من مكاني و كلتلها...
_يلا عيني اني اروح تعرفين باجر عندي دوام و هذا آدومي رجعتة الكم بخير..
رسل: هاا لحضة عمري ابقي مشبعت منج..
مينا: هههه ع غير مرة اني اجيكم بس تعرفين باجر دوام و كعدة الصبح مزعجة ...
رسل" لحضة مينا يمكن ابوج راح خل اشوف عادل علمود نوصلج للبيت..
مينا: ياا ليش ما انتضرني ...اوكي حنتضرج برة...
رسل: اااا لا انتضري هسة اجي البس عباية و اطفي النار لان جنت اسوي اكل للجهال...
مينا : 😅😅 ماشي حنتضرج هنا...
رسل: اا تمام...
مينا: راحت رسل و شلت آدم بوستة يمكن قرابة خمس دقائق و انفتحت الباب عفت آدم ع الباب و انداريت كلت..
-ها رسل جيتي ااااااا.......!!!
شفت سيف واكف كبالي و يوزع ابتسامات..
- اااا شدسوي هنا...
سيف: ههههههه هذا بيت اخوية واني عايش هنا فمن الطبيعي اجي هنا....
مينا" ها اسفة ...مشيت اريد اطلع و هو بقة واكف بمكانة...
ارتبكت و بلعتي ريگي و كلتلة..
-العفو اكدر افوت...
هو جاوبني و كال..
سيف: مناوية تتحمديلي ع سلامة؟! لو اصلا مفكرتي بهذا الشي...
مينا ( بعصبية): شلون مفكرت بهذا شي !..
سيف: بس شكلج مو مهتمة...
