مينا: حسيت حصوة وكعت للكلة وجلخت معدتي كمت ابجي حاولت امشي ماكدر جاي اوكع جان اعيط
_اخخ بطنييي..
ضليت واكفة بمكاني مااكدر امد رجلي خطوة ..
باوعت هذا شخص اجة
● شبيج شنو صار ..
مينا: مصار شي وخر ..جاي اتحرك وية حركة حطيت ايدي على حلكي عيطت بسكوت وكمت ابجي..
● شنو مصار شي مجاي تكدرين تتحركين كليلي اساعدج اوديج طبيب؟
مينا: مااريد منك شي بس وخر عني ..شفتة راح ضليت متصنمة بمكاني لااكدر اتحرك ولااكدر اكعد بس الي مجرب هذا الشعور يعرف شنو حسيت بوقتهة اجة وجاب مي ..
●هذا مي اشربي بلكت تصيرين احسن..
مينا: ضليت واكفة بدون حركة ولااخذت منة مي ولاسويت اي شي لان كرهتة هل انسان وكرهت كل ناس الي اعرفهم بحياتي مثل رانية وامي وابوية و..
حسيت هدئت شوية بطني مشيت احسن بس بطئ..
● اعتقد مي مراح يقلل من كرامتج..
مينا: استغفر الله ربي .. كمت انزل للدرج وهوة وراية
_بلا زحمة شنو تلحكني..
مارد علية ..نزلت للمحل اشتريت مي ورحت بالحديقة كعدت وشربت المي..اجة كعد يمي رحت حولت ع الكرسي الثاني الي يكون قريب علية..
● ممكن افهم شنو هل حركات وليش تنهزمين ؟
مينا: سويت نفسي اباوع ع تلفوني الي مكدرت اصور شي
ولااكشف رانية من ورا شكد كرهتة بوكتهة جان هسة اني مصورة رانية ومهددتهة بالصور وخلصت منهة بس مااطول
اني ماعندي شي مااكدر الزم شي عليهة زين شنو اسوي اني زين ليش مااتفق وية هذا يساعدني باوعت علية وصفنت..لا لا
اكيد ميقبل صديقة ونوب يلزم علية تسجيل ثاني شيخصلني نفخت بعصبية ورجعت راسي ليورة حسيت ضل فوكاي كمت مختنكة شفتة كدامي
_شكوو ...شتريد
مارد علية يعني شنو جاي يستخدم نفس الاسلوب الي اني
استخدمة ويا لو شنو ضليت مجتفة ايدي ..شوكت تجي هاي يعني اريد اموتهة اخنكهة شااسوي بيهة ميكفي كمت للشارع
عبرت ورحت لهذا المجمع صعدت فوك دكيت الباب ع رانية ..
رانية: طالعة طالعة ..
مينا: كبر الياخذج اي والله ..طلعت رانية سمعتهة حجت..
رانية: سمعتج ترة بلا هل لواكة مالتج ماشي..
مينا: ميهمني تسمعيني لو لا ماشي..
طلعنة للبيت وصلت رانية لبيتهة وكالتلي
رانية: اشوفج الخميس الجاي..
مينا: نفخت ودرت وجهي رحت لبيتنة الي صاير مثل مگبرة ولااحس حياة بي ع كلن استقبلتني امي ..
لمى: هاا اتونستي وية رانية ..
مينا: اتفاجئت على سؤالهة علية لااول مرة رديت بااستغراب
