
وسام: ههههههههه انتي صرتي ملكي مرة وهسة راح تكونين ملكي للأبد.....
مينا:.........لحضات صمت انتشرت بداخل جسمي...
لحضات صدمة وعدم فهم...
شنو صرت ملكة!....اني حتة شكلة ما اذكرة...شنو هذا مضروب بعقلة شي!..
_ انصحك تتعالج وتشوف دماغك زين لان ضاهر اكو خلل...
وسام: لسانج الحلو هذا اتمنى اكدر ابقي الج من تصيرين يمي يحلوة وها روحي اسئلي ابوج عن قصدي..
مينا: سحبت ايدي منة و بعدت وجهي..بهذا الوقت صاحوا الزلم وطلع..
بعد ٣ ساعات من الهوسة وناس تطب وناس تطلع وجهال يطافرون بالحديقة...والنسوان الي يمي احتاروا بيمن ينافقون وعليمن يحجون! وام دنيا تتراكض وكل ساعة تعيط بجاهل ع حديقة لان هذا اعز شي عدها....
اما بالنسبة الي انسجنت...ضليت كاعدة بصف مرت عمي وبنتها الي كل ساعة ضاربيلي كلام يسم البدن...او تضل تحجي وية بنتها واني اتسمع...
مرت العم (خالدة): والله لو خاطبيلة بنت خالج مو احسن حلوة ومرتبة وسمعتها وردة جينة هنانة يم هاي الحية نسخة امهة...
بنت العم(صفا): اي ماما شوفيهة شلون رافعة خشمهة ومكلفت نفسها تسوي شي كاعدة مثل سندريلا شايفة روحهة ع دلالهة...
مينا" ولا عبالك بشر يمهم كاعد وهمة يدرون اني دا استمع لهل حجي...كامت خالدة وبقت صفا... واني متحملت وحجيت...
_ههههههه وآلله حياتي تضحكين...
صفا:عفواً ؟..
مينا: كمت وكفت يمهة _ تعرفين شنو صحيح حجيج اني سندريلا بس الفرق سندريلا ازوجت وطلعت لحياة احسن واني ما اعتقد راح الاقي نفس مصيرها عدكم..
صفا: احترمي نفسج اذا هلكد معاجبيج ليش قبلتي بهل خطبة ولزكتي نفسج بعائلتنة...
مينا: عفتها وكمت من مكاني...رحت لغرفتي واتمددت ع جربايتي...
يالله شلون راح اتحملهم...اريد اكون سعيدة بحياتي وية الشخص الي يسعدني ما اريد اكون بوسط ناس يكرهوني واكرهم...
قطع تفكيري ع هاي الاشياء ااموضوع الاهم..
أستمر كلام وسام يتردد ببالي...انتي صرتي ملكي مرة وهسة حتكونين ملكي مرة ثانية!!...
معقولة الي دفكر بي؟!لا مستحيل طبعا مستحيل...
بعد ما راح الكل من البيت نزلت جوة لبابا..لكيتة بالاستقبال كاعد ويدخن...
بابا يورث جكارة وجانت النفاضة مليانة جكاير..
التفت علية وكال..
فراس: ها بابا محتاجة شي..
مينا: بابا أسئلك شي وجاوبني بصراحة!..
فراس: كولي بابا اسمعج...
مينا: هذا الحقير وسام كالي حجاية و كالي سئلي ابوج وهت يفهمج..
كام على حيلة و بقلق سئلني..
فراس: اي وشنو كالج؟..
مينا: بابا كلي انتي صرتي ملكي مرة وهسة حتكونين من جديد شنو ديقصد بابا وشنو انت تعرف..
فراس" شعرف بابا معليج بي هذا يالله اني اروح..
مينا: حسيتة يتلعثم وبدة يتردد..._ لا بابا متروح احجيلي شنو تعرف شنو الشي الي انت ووسام تعرفوا؟؟؟؟؟...
