مينا: دكيت الباب و طلعتلي رسل و وجهة مخطوف لونة...
دخلت و كلتلها....
- سيف بقة آدم يمي و كال ساعة و اجي و لحد هذا الوقت ما اجة شنو صاير؟...
رسل: تعالي طببي آدم خل ينام و احجيلج...
مينا: طببت آدم لغرفة و جانت بيها بنت رسل الجبيرة و لازمة السجادة و تدعي عصرني كلبي متأكدة صاير شي ...
حطيت آدم ع الفراش وراها طلعت للهول..
-شنو صاير رسل؟...
رسل" لج عيني اجتي سيارة و كسرت ع سيف فصار حادث وهسة هو بالمستشفى و كال عادل حالتة خطرة لان السيارة مكلوبة بي ...
مينا" شنو!!!!! فتحت عيني و اني مصدومة ..
شنو حادث و شوكت هل حجي و هو شلونة هسة؟!...
رسل: ب ٧ ونص هل حجي و هسة هو حالتة خطرة صاير عندة كسر بعضم الكتف و رضوض و كسر بعضم الجمجمة....
مينا ( بتلعثم): ليش يا سيارة صادمتة و هيج متكسر جسمة؟...
رسل" والله ما ادري يمكن سيارة عالية بس علينا ندعيلة عادل يكول حالتة خطرة و قبل نص ساعة دخل للعملية...
مينا: اندكت الباب اتذكرت محمد واكف ..
- اخوية واكف عليج الله رسل طمنيني ساعة بساعة رقمي يمج و اني حدعيلة ياربي خير...
رسل: ان شاء الله ...
مينا: طلعت لاخوية محمدو رجعني للبيت طبيت للغرفة الفوك و بوجهي للحمام....
كعدت بالكاع و حطيت ايدي على راسي افكر اذا صارلة شي اموت والله....
كلبي ميتحمل اخسر شخص بحياتي بعد و خاصة الي احبة...
شكد حاولت و ضغطت ع نفسي و دست ع عواطفي و...الخ..
بس مكدرت اقلل ولو ذرة من حبي الا هو ابوية و صديقي اكثر من كونة حبيبي...
وكف وياية بافراحي و احزاني و كل لحضة عشتها هو جان الا بصمة بيها...
كعدت ابجي بالحمام و هموم الدنيا كلها فوك راسي...
نوب مبقة شي ع دوام و بين الشغل والبيت و الألم الي اعيشة...
سبحت و بدلت ملابسي...طلعت من الحمام و شفت دنيا بوجهي اتعودت اي شي يصير بية وادق تفاصيل اسردها لدنيا تعرف كل صغيرة و جبيرة بحياتي...
نتساعد بالألم سوة هي تخفف جرحي واني كذالك...
كلتلها لدنيا ع وضع سيف و هي انقهرت بشكل جبير....
بعدها كمت و اتوضيت و بديت اقرا قرءان واني ع سجادة سجدتج و بجييت بسجدتي....
يارب احفظة اذا مو لخاطري لخاطر اطفالة يارب رجعة سالم حتى لو يبقة بعيد عني مو مشكلة اهم شي يكون بخير....
بجيت و بقيت ع هل وضع ربع ساعة بعدها حسيت بايد ترفعني لمستواها...
باوعت دنيا و كعدت بصفي و حضنتني...
دنيا" يارب يرجع سالم و ما اوصيج كوني قوية لا تضعفين ابداً...
