في الجزء السابق....
الأب:متأكد من قرارك هذا؟..
سيف: اي بابا متأكد ...
الأب:بيها الخير ان شاء الله شعندي غيركم واريد افرح بيكم كلكم واشوف احفادكم....
₩₩₩
العمة: شبيچ يل فاهية طبعا اغري جنت اتعمد من اغسل الكراج ارفع الدشداشة متشوفين اجاني ركض...
مينا: تدرين عمة معبالي تسوين اغراء...
العمة: يل خايبة احنة احسن منكم خلفنة ثمانية واكثر وانتن اثنين ما بيچن خير تخلفن...
₩₩₩
.
مينا:وسام اسمعني...والله ما ادري بهل تلفون بيش تريد احلفلك...
وسام: اي ما تعرفين هنا تلفون بس موجود بغرفتج..
₩₩₩
وسام: يعني شنو صارلنة خمس اشهر متزوجين وما عدنة طفل...وأمي اكلت راسي تريد تشوف جهالي...
مينا: ردت اغمة واكلة امداك ع هل شخصية تتحكم بي مثل الزعطوط...
_ اي مو امك راح تجيب مكاني....
خزرني وكرص ايدي...
₩₩₩
سيف: ضليت بحالة سكوت....وضربت راسي شنو الحالة الي وصلتها...
-دنيا اني جاي انطيني موقع بيتهم.....
.....ساره علي.....
في وسط ضجيج الدنيا وضوضاء الحافلات و بكاء الأطفال و تلك الوجوه التي يملئها الحزن....
انا هناك في ذالك الضلام في تلك الزاوية اتبعثر بشدة و أحاول أن أسترد واقعي....
لم أصارع هل لأنتحب من جديد؟؟..
لم أعاتب هل لأنكسر من جديد؟؟..
لم الحزن ينهش جسدي في كل خطوة؟؟....
لا شيء يملئ فكري غير هذا السؤال....
أين أنت في وسط هذا الضجيج؟....
هل حزنك يشبه حزني؟...
هل تتألم مثل ألمي؟..
هل تعاني مثل معاناتي؟...
هل يهل علينا الفرح يوماً.....
مينا...
بديت استرد وعيي شوية....بس الدوخة كلش جبيرة احس نفسي بين عالمين وروحي تطوف فوك....
شكد تمنيت اموت وارتاح من كلشي...
جسمي احسه مخدر...فتحت عيني زين فوكاي الدكاترة ويحجون وياية واني بس اهز راسي كلشي مابية حيل أسوي....
مدري وين ودوني احس نفسي اتحرك من مكان لمكان وجانت الهوسة كلش جبيرة.....
استقريت بغرفة و سمعت صوت نورا تنهدلي....
ن
ورا: حبيبتي الحمد لله ع سلامة جاي تتوجعين مو؟..
مينا: ضليت امتمتت بالحجي احس نفسي كلش مرهقة..
نورا: يلا لا تحجين شي ارتاحي ماشي
..
مينا: هزيت راسي ونمت...رجعت كعدت و حالتي احسن من اول ما وعيت شوية...
انداريت ادور ع نورا هي رأسن كامت..
نورا: ها ها مينا اني هنا تردين شي؟..
