إِغْتِمام رُوحَين

الجزء الخامس عشر...

♡البارحة منزلت فعوضتكم اليوم والبارت كلش كلش طويل...
اكدر اعتبر احلى بارت كتبتة بحياتي بكمية المشاعر للي بي و السرد للشخصيات...

ان شاء الله عكب باجر راح تكون ختامية قصتنا الي عشناها بكل حالاتها....

اتمنى منكم تنزلون هذا الفديو و تسمعون الاغنية انتو و تقرون علمود توصلكم المشاعر الي حسيتها اني و اكتبها...

توقعاتكم و آرائكم تهمني....
اريدكم تتفاعلون بهذا الجزء كد متكدرون...

اذا لكيت تفاعل قوي احاول انزل بارت الاخير باجر....
مع تحياتي ...ساره ...
♡♡♡♡♡♡♡♡♡♡♡♡♡♡♡♡♡♡

مينا : اني وصافنة ضحكت ع عقلية دنيا وتخطيطها المفروض تحتار بالعرس نوب احتارت بية اني...

قطع ضحكتي صوتة ..
سيف: تدرين اكو سحر خاص بضحكتج ...

مينا( باستغراب): ما فهمت شلون...
سيف: شايفة من أحد يهديلج اغنية و كلما تسمعيها تتوغل لعقلج الذكريات و المشاعر الي عشتيها بهذه الأغنية و حتى الشخص الي اهدى الج الأغنية راح تتذكري...

مينا: اي....؟!..
سيف: فاني كلما اسمع رنة ضحكتج اتذكر اللحضات الحلوة بيني و بينج و أتذكر المواقف المضحكة الي جمعتنا سوة.....

تتذكرين مرة من المرات من عبالج اني احب وحدة و طنكرتي علية و جنتوا هستوكم دتنتقلون لبيتكم القديم...

مينا: ههههه اي .........امم و اتذكر كلتلك كلام بأسلوب شوية خشن و ردت اروح للبيت و طلع عند بابا شغل و انت وديتني لبيت دنيا و مالكيتها...

سيف: و من اعترفتلج بحبي ....
مينا: سكتت.......

درت وجهي للجهة الثانية احاول اخفي توتري و خجلي..
رفعت ايدي على كصتي و امسح عرك كصتي...

شخليتيني بيا موقف دنيا حتة ما اعرف ليش طاوعتها و جيت لهنانة ليش ما مانعت....

عبالك انعميت او يمكن مفكرت بوقتها بالنتيجة...
انتبهت علية خفف سرعتة و ترك الزفة...

و لاف ع الأستدارة (غير طريقة)...
أستغربت....

- احم حنتيه الزفة......
شفتة سكت مجاوبني و كأنما هو ماعندة جواب...

معقولة ردة فعلة لا ارادية...
أعتدلت و وجهت التبريد علية بديت احس بالحرارة بجسمي من التوتر ....

بس مو خوف...
أعرف اخر انسان يمكن يأذيني بحياتي هو سيف....

شديت انتباهي للطريق اريد اعرف وين راح يودينا...
جانت عندي هواي افكار لأماكن ...