إِغْتِمام رُوحَين

البارت(الرابع عشر)

مينا: سد الخط بوجهي ضليت افرك باايدي ياربي شنو اسوي...

كمت من كعدتي وغسلت وجهي...طلعت للغرفة شفت دنيا نايمة..

اخذت نفس ونزلت جوة للهول وكلبي يدك بسرعة مااعرف من الخوف إذا سيف يسوي مشكلة وابوية يعرف بعلاقتنا..

او من خوف اكسر بخاطر سيف..جنت فاتحة التلفون منتضرة اتصال سيف..

ضليت اهز برجلي من التوتر وحسيت نفسي دا اختنك كمت اهفي باايدي من توتر..

شفتة رمشلي..سديت الخط وكمت لبست الحجاب..

صحيح عشت وية سيف فترة طويلة واخذت ويا ميانة ..بس بالرغم هذا ضليت محافضة على حجابي...

وبتشجيع من سيف الي كال بس اتزوجج يحقلي اشوف شعرج براحتي بلا سوالف مراهقين ..

لفيت حجابي ولبست جبة طلعت لورا البيت حاطين مخزن بي المسواك والمخضر والحصة والزيوت ومن هاي السوالف..

فاتعودت التقي بسيف هناك اذا جان اكو شي ضروري..

شفت واكف متكأ على الباب شافني وباوع ماكو اي غرض يمي رفع حاجبة بااستغراب..

احس بس شفتة نزلت دموعي بدون مااوعى على نفسي..

احس حيلي مهدود..بذيج اللحضة عرفت شكد اني متأذية..

من حلا روحي امسح الدموع من وجهي بسرعة فاايدي تنطخ بوجهي المشخط فتشوغ روحي..

اتقدملي سيف وحاوطني بديت ابجي بحركة اكثر...مثل واحد على وشك الانتحار ..بس يجي احد ينقذة..

او بالاحرى مثل الطفلة الي مضيعة اهلها وتدور عليهم..

اريد احجي ويا كمت امتمت.._سس.يي..ف..
حسيت حنجرتي مدا تساعدني انطق واحجي...

سيف: ياعيون سيف اششش لاتحجين ادري بيج شكد متأذية ومحد حاس بيج بكدي..

ارتاحي واني اعرف شنو اتصرف..
مينا: هزيت راسي وباوعت علية بمعنى مااكدر اجي وياك..

سيف: ما عليج ارتاحي اليوم مااريد اخليج تتندمين بس وعد مني راح نخلص من كل شي..

مينا: ضليت اناشغ بصوت ضعيف لان وصلت مرحلة اتعب من البجي...

سمعت صوت بابا يصيح مينا..كمت من مكاني مرعبة..يالله بس لا يشوفنة..

باوعت على سيف واكف بمكانة كأنما مستعد يواجهة وهوو بنضرة ممسوي شي غلط..

لطمت على خدي ..يااررربي عايييزة اني وتلتم..

باوعت على سيف بمعنى اطلع منا روح ماسمعلي..دخل بابا للمر وشافني واكفة يم سيف..