سيف..
سيف: هزيت راسي اريد اشوف بصورة اوضح هاي هي ؟!..
اي هي نفسها.... مينايتي.......!!!!.. وبأيدها طفلة!!!
باوعت بوجها علامات الذهول واضحة اتسائلت وية نفسي شنو حالها هسة شلون عايشة ومنو هاي الطفلة معقولة بنتها ....
شنو صار هل سنين اتداركت الموقف ونزلت عيني منها وخاصة من شفت الطفلة بأيدها بعد هاهي كل واحد عندة حياة ثانية....
صعدت بالسيارة شفتها من المرايا مشت ليكدام اتسائلت شتسوي هي بهيج وقت طالعة....
حركت سيارتي واحس اكو بركان بداخلي نفس شكلها بس اسمن.....
ليش هيج شفتها لييش ؟!..
ضربت الستيرن و عليت التبريد احس انفتحت جروحي اكثر مكدرت انساها كل هل سنين بس دفنت حبها بداخلي....
هي مو شخص عادي حبيتة احس نفسي اني كبرتها بأيدي....
اني الي جنت ساندها بكل خطوة تخطيها و وكفت وياها بكل شي.....
فركت عيني احس ضغطي صعد...ما ادري شلون الله انطاني القوة و سقت بسلامة .....
مينا..
بعد ما كالتلي دنيا شافت سيف متحملت من الصدمة هبط ضغطيو اتخربطت....
وعيت ع دنيا تندهلي وبايدها خيارة ملحة...
دنيا: اكلي لج وكتها تتخربطين علية...
مينا : اكلت شوية وبديت استرد وعيي جابتلي مي و جكليتة تريد تعدل ضغطي....
- شجابة؟!! يالله ليييش هيييج....
دنيا: بعد شضامتلج الحياة؟...
مينا: ضييم ضامتلي...لج هو وعائلتة مو اجو يسكنون هنا؟..
دنيا: ما ادري بس شفتة وانصدمت وهو ضل يباوع علية بصدمة رأسن دخلت كلت هسة هو نسة شكلي....
مينا: اوووف يالله شسوي دنيا هسة اشيل لو شنو...
دنيا: يمعودة هسة عبالة اني عايشة هنا متزوجة حاولي متلتقين بي احسن الج المهم خل اخابر ع بابا يجي ياخذني لان امي رايدة مساعدتي...
مينا: دنيا اخاف اذا شفتة شلوون؟..
دنيا: كليلة دييي بيگ سربرايز انتو اثنينكم اختصاص انكلش و هيج اتفاهموا...
مينا: اني بيا حال وانتي تحششين...
دنيا: يمعودة هي خربانة خربانة...
بس صدك اكلج ترة من شفت شكلة جان متفاجئ من شافني واصلا مندهش يعني هو ممخطط يلحكج...
مينا: ادعيلي الله ينطيني الصبر بس...
دنيا: آمين يلا اريد بوسة اخيرة للولو قبل ما اروح...
مينا: لولو تعبتني بسبب الدلال مالتنا طلعت عينها....
دنيا: هههههههه حلوة وتدلل ع امها😉...
مينا:هههههههه ورة نص ساعة اندكت الباب و دخل بابا سلمت علي وبست راسة...
-الله يساعدك يابه....
فراس: هلا بنتي وين حفيدتي اريد اشوفها...
دنيا: بابا انتَ شيبت صرت جدو بعد....
مينا: ههههههه احلا جد....لزم بابا لولو ورحت سويتلهم جاي وهو يناغيها كلش يحبها لان اول حفيدة....
