مينا: اني..لحضات تحاول تعترف بكل شيء جاي يصير وياك بس اكو حاجز الي هوة الكبرياء وكرامة وعدم ثقة..
صحيح جنت اريد اكلة يساعدني بس اني شنو الشي الي يخليني واثقة مو لعبة من لعب رانية ..
كمت من مكاني..
_ولاشي كلهة اشياء من بالك ماكو شي صحيح وحياتي
لاتدخل بيهة متخصك ولاتخص اي احد بيكم..
حسيت بي سكت وضل كاعد بمكانة ..كمت فتحت الباب وطلعت عيوني احسهة تحركني من كتم دموعي ..
رحت نزلت مشيت للبيت جان جو بارد بوقتهة بس كمية الحرارة الي حسيتهة بجسمي مو طبيعية لحضات حسيت روحي الي جاي تحترك ..
طبيت للبيت ..شفت امي كاعدة
لمى: شبسرعة خلصت محاضرة ..
مينا: ماافتهمت عليهة وطلعت..رحت لغرفتي ركض ضليت بالساعة ابجي وية نفسي وساعة الوم نفسي وساعة اباوع على حضي وساعة افكر شنو شي القادم وشنو مفاجئات تنتضرني..
رحت فتحت كتبي وكعدت اقرة للامتحان للساعة ثنتين بالليل يلة خلصتة فتت نمت ثاني يوم كعدت ب ٦ وعيوني مورمة..
منمت زين ومقهورة ..كمت بدلت ملابس المدرسة اخذت الجنطة وطلعت للمدرسة امتحنت بس صفنة ماخذتني حسيت نفسي مجاوبت زين مثل كل مرة ..
نزلت للحمامات غسلت وجهي سمعت صوت بنية تحجي حجي محلو وكلة +١٨ بالتلفون نفخت..اخلاقيش ..هم زين خلصت من رانية..
كملت ايام بشكل عادي.. اتحسنت شوية الى أن اجتي رانية لبيتي فد يوم ..
رانية: مينا يلا اليوم خميس امشي نروح ..
مينا:شبيج انتي عاقلة!! لج اني مااثق بيج انتي انسانة الكذب مستحل حياتج كلهة وانسانة فاسدة ولا عبالك رانية الي جنت
اني وياهة منتفارق وتذكرين لمن جنة نحجي على البنات الي اخلاقهم هيج ليش هيج صرتي انتي!!..شفتهة سكتت معقولة
اكو شي صاير وياهة ومجاي تحجي..حجت بصوت يرجف وطلعت
رانية: معليج..
مينا: متأكدة اكو شي صاير يعني بنية اخلاقهة زينة وحلوة هيج يصير بيهة وتتغير ١٨٠ درجة ..مر شهر تقريبا حاولت
اتقرب من رانية اكثر وافهمهة بس هية دائما تصدني وتنسحب فد يوم رحت لبيتهة..
طبيت للغرفة مالتهة شفتهة كاعدة لازمة لعابة الي اطيتهة الهة وتبجي ..اتقربت الهة واخذت العابة من ايدهة ..ابتسمت..
_تذكرين لمن جنت اجيكم واكعد اشكيلج على تصرفات امي وانتي تنصحيني وجنت ماافارقج اكثر طفولتي عشتهة يمكم
لمن يسئلون سؤال شنو احلى شي بطفولتكم ..يخطف بيتكم وانتي ببالي لان عائلتي انتو..لزمت ايدهة وكلتلهة..
_تكدرين تحجيلي ليش اتغيرتي مستحيل شلة بنات هيج تسوي بيج..اني صديقتج وشكد مااكدر راح اساعدج بس لاتخافين اريدج بس تفهميني..
