إِغْتِمام رُوحَين

البارت(الثالث عشر)

مينا:_باااابااا لااا استر علينة باابااا ...

دفعني ومشة للكراج يطلع..
-سيف عليك الله وكفة لايسويلنة مصيبة..

سيف: اي اعوف ابوج علمود ياهو الجاي يجيي يخابرج ويكلج تعالي لفلان مكان ...

وجيبي فدية وحدج واخلي عرضي ياهو للجاي والرايح اذا خليتج هيج فلا اطلع اني سيف..

واني اعرف شنو اسوي وتلفون تسديي بعد افتهمتيي!!!...

مينا:سد باب المطبخ بوجهي وطلع ضليت صافنة اني اقنع بمنوو مثلا..

انداريت صارت دنيا بوجهي..ابتسمتلي.
حسيت نفسي انحرجت..

باوعت عليهة ورجعت للغرفة ضليت افتر واطكطك بااصابعي..

اهتز الجهاز..رحت فتحتة وصلتني رسالة..
\\ موعدنا الخميس ..حديقة (.....) تنطيني الفلوس اسلمج الطفل ورة دقائق..

اخذت تلفون ودكيت على بابا ٣ مرات يلا شالة..
_بابا دزلي رسالة بحديقة(....) يوم خميس كالي تسلمين فلوس واسلمج طفل...

انسد الخط بوجهي..ضليت صافنة معقولة مشغول..
نزلت جوة شفتهم كلهم كاعدين ..-أتغديتوا؟..
هزت دنيا راسهة بمعنى لا.. كليت بتيتة وطماطة وطكيت عليهة بيض...

حطيتهم بصينية ووديتهم يم دانيا وامهة..انقهرت عليهم مهما مشاكل بيناتنا بس فقدان الابن مصيبة..

_يلا خالة و دنيا اكلوا مو زين هيج.. ماعدنة حل بس ندعي الله يرجع الطفل سالم..

كعدت ام رانيا تبجي وتنوح على ابنهة بجيت وياهة وضليت امسح بدموعي..

مو بس البجي بنضري ع فقدان شخص مقابيل لشخص عزيز علية وأنما شكلة وشلون يذكر لحضات بينهم..

فهذا الشي يأثر ع شخص مقابيل فيذكر الحياة شلون اخذت منة شخص يحبة..

اني الدنيا اخذت مني اخوية الي ربيتة..بجيت علية وحبست نفسي بغرفة اكثر مما بجت امة علية..

صفنت عليهة وكمت من مكاني اتضويت وكعدت اصلي واقرة قرءان ..

انتبهت ع دنيا اجتي فرشت سجادتهة وتدعي وتبجي..

بعد ساعات من القلق والتوتر..اندك الجرس كمنة اني ودنيا  لبسنة حجابات و بركضة للباب.. فتحت بابا دخل بابا وويا اخو دنيا..

كعدت دنيا تحضنة وتبجي سيف اترخص من بابا وطلع..
طبينة للبيت مرت ابوية ركضت ع ابنهة وتبجي..

*يايييمة سووودة عليية ابنيي ..بعد لتطلع ماما ما اتحمل تبعد عنيي..

مينا: ضلت تبوس بي وتبجي..
بابا كعد واشرلي اجي..

فراس: بابا دوة الضغط مالتي فوك ثلاجة جيبي..

مينا: جبت دوة لبابا واطيتة مي..
فراس: سيف راح يجيبلج سيمكارت جديد وذبي سيمكارتج وانقلي ارقام صديقاتج اذا تردين..