مينا: اني شفتة من بعيد لو النيران بداخلي اشتعلت لميت قبضة ايدي وبكلب والدة محروك اتوجهتلة ركض....
حاوطت ركبتة وبديت اخنك بي والنفس كوة يطلع منيي من القهر...
-للك يااااا حقيييييييير اشلوووون انطاك كلبببك بنتي ماتتت بسبببك ماتتتت....
لزمني بابا كوة واني اعصابي انهارت و ايدي ترجف وعيوني بصرها ضعف من البجي...
حضنت بابا بقوة و كأن استنجد بي ينقذني منا وهو يبجي ع حالي....
طلكت وسام والقاضي وكف وياية من شاف حالتي وبما أن اني ويا اثنينا رايدين الطلاق فمصارت عراقيل...
طلعت من القاعة وكلبي يغلي من الحقد علية و من دا امشي راد يحجي وياية رفعت أيدي بتهديد...
- راح اكلك شي واحد حسبي الله ونعم الوكيل من صميم قلبي و باع لا عبالك دعائي ميوصل اني كلبي محروك واتمنى الله ياخذلي حقي منك وما اشوفك متهني بحياتك......
و من هل دقيقة انطوت صفحة وسام للأبد ...
انطوة ابشع كابوس مر بحياتي و اترسخ بداخلي....
رجعت لدوامي بملحة من دنيا ع اساس الدوام ينسيني كل شي....
هه ماكو شي ينسيني هذا الوجع .... مو سهلة اشوف بنتي الي كبرتها بأيدي شوية شوية تروح من ايدي برمشة عين....
بعد اسبوعين واني شبه الميتة احس بلا وعي بخصوص كلشي واصفن هواي و قليل احجي....
بس جنت كل يوم جمعة اطلع للمجمع الي بي شقة سيف اتعودت ....
صار المكان الي انهزم الا من الحياة....
وبيوم اجيت للشقة من جديد كعدت المصطبة و حجابي يتطاير و الصفنة ماخذتني....
و حسبة تجيبني و حسبة توديني...اباوع على ايدي العضام بارزة بشكل جبير من الضعف...
جنت قبل مربربة و سمنت من ولدت ليان بس هسة ع كولتهم عودة ماسحة....
رفعت راسي جان اكو ضل فوكاي جان اشوف سيف....انكمش كلبي وضليت صافنة بوجهة وهو كذالك...
دائما اصفن ليش الله سبحانه وتعالى دائما يوفرلنا الأسباب لنلتقي و سبحان الله دائما نتوجع بنفس الوقت...
قطعت صفنتة وكلتلة...
- سيف!..
انتبهت علي فز من صفنتة و كعد بصفي بدون اي كلام مثل الي ميدري شنو يكول او يحاول يتعرف ع شخص جديد و يخجل يبادر بالكلام.....
سيف : شلونها الحياة وياج...
مينا: درت وجهي إلا و باوعتلة بتعب...
- الحياة دا تأذيني ...وأنت شلونها الحياة وياك...
سيف: ههه الحياة يمكن دتنتقم مني بكل الوسائل..
مينا: انتبهت ع الناس يباوعون علينا مثل الي مسوين جريمة شلت جنطتي وكمت...
- اعتذر اروح الناس دتباوع...
سيف: ماشي براحتج...
