مينا: رفعت راسي بصدمة ...الله كريم بعبادة و ميخلي الضلم يسيطر على الشخص طلعت حوبتي وبرائتي و ثبتتلهم اني مو نفس امي !!اني غير...
قطع صفنتي عمو..
العم: بنتي اني و وسام نريدج ترجعين وشتردين احنة حاضرين لا تنسين الصار همين مو قليل و بنيتي حافضي على عائلتج و ما يكون خاطرج الا طيب يمنا الله شاهد
مينا طبتها خير علينة وبنية اصيلة مشفنا عليها شي واني واثق من هل شي فيا بنتي اذا عندج خاطر يمي ارجعي واذا اي شيء يصير اني ارجعج بيدي واكلج بعد ما تبقين هنا.....
وسام: عمو اني مينا ما اطلكها مرتي واحبها واني اعتذر من اذيتها بس اني كرجال هم ما اسمح اشوف هيج بغرفة مرتي....
مينا: رفعت حاجبي معاجبني حجية...
- صفنت للحضة والذكريات تمر ببالي...
ضربة اهانتة الي اسحتقارة تهديدة....
- عمو اعتذر منك ما اكدر ارجع الي شفتة مو قليل..اتمنى من وسام يطلكني ونخلص من هل مهزلة...
كام وسام ع حيلة وكال..
وسام: طلاااك ما اطلك افتهمتيي مو اكللكم متمشي بالعيني واغاتي مو مال احترام كومي ييلا انطيتج اكثر من حجمج...
مينا: كمت علية والقوة الي بداخلي جبيرة..
- كلتلك طلكني ما اتحمل اشوفك دقيقة...
فراس: اسكتوا اثنينكم بلا حس ...
اخوية اشكر جيتك هنا وادري بيك شلون تحب بنتي بس شوفة عينك البنية تأذت وتعبت متريد تكمل بهل زواج طلكها وخلص الموضوع...
مينا: باوعت لوسام بتحدي راح اخلص منة واخيراا..هو حجالة هل كلمتين وطلع..
وسام: عمو طلاك ما اطلك الا اندمج واخليج معلكة...
مينا: استغفر الله ربي.....
- عمو دخيلك حاجي خل يطلكني ..
العم: بنتي فكري زين واني اعرفة لوسام اذا حط شي ببالة ميغرة المهم انتي ارتاحي واني هم احاجي وان شاء الله خير..يالله ابو مينا هم يالله اروح اودعكم..
فراس: وين رايح اخوية اكعد اتغدة...
العم: دايم انة اتأخرت مودعين...
مينا: طلع عمو واني بين حانة ومانة خايفة يسويها وميطلكني شسوي..
انداريت لبابا واطك بااصابيعي..
- بابا شوفلي حل دخيلك ما اريد ارجعلة...
صفن بابا واني اباوع علية..
فراس: لا تخافين اوكلج محامي وهو يتصرف ...
مينا" تمام...
مرت الأيام واني ببيت اهلي باقية واليوم اول جلسة يم القاضي رفعت دعوة طلاق كلش ما اريد منة بس يطلكني..
طبعا دخلنا للقاضي واني مصممة الا اطلك بس وسام خرب كلشي...
كام يحجي ان هو يحبني ويريدني وميريد يخرب عائلتنة جنت اباوعلة باستهزاء حتة محاول يكسبني كلة عياط بضرب بتصرفات وحشية..
انطية المحامي تقارير الضرب للقاضي و حسيت بدت القضية تنحاز لطرفي...
