♡ لا تنسون التوصيت والتعليق لدعمي...
مينا: باوعت ع دنيا شفت ايدها ترجف...
لزمت ايد دنيا وابتسمتلها بابتسامة ان اني وياج مراح اعوفج.....
اترخصوا اهل الولد و كام بابا ودعهم للباب و اندارت علية دنيا ..
دنيا: مراح ينطيني الهم مو؟...
مينا" كولي يالله ان شاء الله خير...
رجع بابا وكمت شلت المواعين و ساعدتني ام دنيا...
بعدها طلب منة بابا نطلع يريد يحجي وية دنيا بشكل خاص....
رحت صعدت فوك و اتمددت ع جرباية عيني ع السقف واطك باصابيعي...
يالله لا تكسر خاطرها مثلي ولا تعذبها بحياتها ع الأقل خلي وحدة منة متهناية....
رحت فتحت التلفون و لكيت طلب مراسلة ع الماسنجر...فتحتها لكيتة حساب سيف...
لا أراديا ابتسمت دخلت ع المراسلة و شفتة دازلي ملصق مال اوكي....
ههه بعدة ع سالفة الملصقات جنت من احجي ويا يدزلي ملصق بدال هلو عود يعني تعالي نحجي ...
ابو الطبع ما يغير طبعة...فتحت صفحتة الشخصية شفتة منزل صورة و صور ابنة الضاهر مسوي حساب جديد لأن الصور مو قديمة ولا تاريخ انشائة للحساب...
دزيتلة ملصق الي يرحب (👋)....
ما طول خمس دقائق و دزلي رسالة دا افتحها و جتي عاصفة اقتحمت الغرفة....
كمزت من مكاني مفزوعة..
- فززتيني الله لا ينطيج...
دنيا: لج لج اسكتيي ما اريد دعاء مو زين باركيلي تيرا را تيرا را...
مينا" ابتسمت ع ابتسامتها وكلتلها..
- الضاهر قبل بابا....
دنيا" لج من حجة وياية كالي انطينياها من الأخير انت تعرفي الولد بيناتكم شي...
مينا" اي وانتِ شكلتيلة صاير سبورت كلش بابا ههههه...
دنيا" شافني اتلبكت وكمت امسح بعركي كالي احجي ما اريد تصيرين تعيسة بحياتج الزوجية مثل اختج اريد اشوف ع الأقل وحدة منكم مرتاحة.....
مينا: خفت ابتسامتي وكأن غصات حياتي اتجمعت ببلعومي لميت قبضة ايدي بأسف خسرت هوووووواي سنين من حياتي هدر شكد ما اكول و اعيط اني تعبانة ما اكدر اوصف داخلي شنو ....
اخذت نفس وكلتلها..
-هو هذا الصحيح ان شاء الله ترتاحين والله يكتبلج حياة حلوة....
دنيا: عمري اختي حبيبتي يارب متشوفين شر بعد يارب تكون حياتج سعادة من هل ايام ويكتبلج الله راحة البال....
مينا: حبيبتي انتِ ...غيرت الموضوع وكلتلها..
-مكملتيلي انتِ شكلتي لبابا..
دنيا: كلتلة اييييييييي بحيث بابا من الصدمة كالي كومي اطلعي لا اكطع الحزام عليج ....
مينا: ههههههههههه ليش ولج ع الأقل خلي عندج انوثة...
دنيا: لج يا انوثة غير هو حمسني كالي اذا عندج علاقة ويا احجي و اني مصدكت وكلتلة اي هسة يكول هاي ممصدكة وهو صدك ممصدكة حننجمع اني ويا!!...
