مينا" عموو انقذني منة...ما اشوف الا و وسام لازم شعري ويتوعدلي..
وسام: اشششششش ولااا حرررررف اني اعلمج ...
العم: وسام عوفهااا استهدو بالرحمن شبيكم انحستدوا...
مينا: ضليت ابجي وهو لازمني...حجة وسام..
وسام: بابا اني اتفاهم وياها بس اطلعوا ...
مينا: عمو حلف وسام ميأذيني واني كلبي وكف من الخوف...طلع عمو ومرت عمي تدعي علية دكلي الله لا ينطيج وجه الفكر....
ياربي شسويت وهيج احصل بحياتي..ترك شعري وضليت ابجي...
وسام: سويتييي حياتيي سم...كليلي شصرف وياج؟؟؟؟؟ ....هي سمعي زييين وحطي ترجية بأذنج كلما لغيتي زايد وسويتي مشاكل ...
اجي أذيج واخليج تبجين دم افتهمتيي اول شي ما اريد تلاسنين امي شدكول تنجبين وتسكتين...
شنو اطلب منج تسوي تسوي...مو تعانديني وتحجين بلسانج افتهمييي...
والله اذا عصيتيني أعرف شلون اربيج زين وانتي شفتي اول يوم بعرسنة شسويت بيج....
اذا تردين تصيرين حيوانة عندي هذا يرجعلج واذا تردين تعيشين بدون مشاكل هم يرجعلج....
اكدر اتكيف وياج بالحالتين فتنجبين ومطلعين صوت هسة...
مفهوووم!!!..
مينا: سكتت وطلع من الغرفة..ضليت ابجي واندب حضي... على حياتي...
ضليت الوم بأهلي بسببهم وصلت لهاي الحالة...وصلت مرحلة اصير عبدة عندة وما انطق بشي علمود ميضربني....
كلما اذكر ليلة عرسي دموعي تنزل بكثرة...
ضليت بنفس كعدتي واعاتب الله...
يالله اني اعرف انت تحب عبدك اكثر من حب والدين...ليش خليتني بهل اختبار...
ليش هلكد اني اعاني...ليش كل ليلة اذا ما ابجي ودموعي تغرك مخدة ما ارتاح...
ليش تخلي كل ذكرى تمر بعقلي تخلي غصة بكلبي...
لا أعتراض على حكمك..
بس اريد الصبر!!...
انطيني شوية من صبر يعقوب...
صبر عشرين سنة علمود يلتقي بولده...ياربي بس اريد القليل من الصبر...
لو الصبر ينباع جان اني اول الناس اشتريتة.....بعد ما اتحمل كعدت ابجي والغرفة ضلمة وبس صوت المكيف مشتغل...
دقائق ودخل وسام واتمدد على التخم...
احس جسمي انضرب افلاونزة من ورة برد..كمت من مكاني وروحي ميتة..
طلعت دوشك واخذت المخدة والغطاء...
رحت بالكاع ونمت حسيت بأيد وسام شالت ايدي وشمرني بالكاع...
رفع ايدة ورفعتي ايدي على راسي .._لا...لا..تض..ربني...
وبجيت......
متخيلت يوم بحياتي اني بهل ضعف و ما اكدر اواجهة...
نزل ايدة وطلع...
رحت لفراشي و التفكير ملاحقني...
ونمت...
《في مكان ما تحت سماء بغداد》..
عادل: عوف الجگارة هاي ثالث علبة اليوم راح تموت من وراها...
:: ميهمني....
عادل: شنو ميهمك؟؟؟؟..انت اخوية شلون تريد مني ابقيك بهل شكل وحطها ببالك هي لو تحبك متروح تزوج...
سيف : لميت قبضة ايدي وكمت من مكاني..
_ هووووو طالع من البيت خنكتني...
اخذت سويچ السيارة وطلعت..
عادل: سيييف وين طالع ناويي تجلطني...
سيف: مهتميت لكلامة كد ما محترك گلبي..طلعت وشغلت السيارة...
ما اعرف وين وجهتي بس اهم شي اخلص من جو البيت....
فتحت علبة الجگارة وسحبتلي وحدة و شعلتها..
وبديت اسحبلي نفس....
ضربت ستيرن السيارة...._ خررب بحياتيي....
باوعت على الجگارة...عمري وگلبي ديحترك مثل هل جگارة....
مسحت عيني ورتبت شعري وطلعت من السيارة...باوعت للعمارة...وين ما اروح وبدون وعي تاخذني رجلي هنا...
