ام دنيا: طلع بية سرطان بالثدي محتل نسبة ٦٠% من الثدي ....
مينا: شنوو و بابا يدري بخصوص هذا الموضوع؟!...
ام دنيا" لا بعدني ما حاجية ويا بس مينا واصل مرحلة معقولة اكو أمل لشفائي؟...
مينا: كولي يالله خالة ان شاء الله خل يجي بابا و نتفاهم سوة...
زين و الباقين يدرون ؟..
ام دنيا: لا محد يدري مينا لا تحجين خليني اني انطيهم الخبر....
مينا: براحتج خالة بس عندج مهلة اليوم و اذا تردين باجر اني وياج نروح للطبيب و نسويلج فحوصات شدكولين؟....
ام دنيا: ان شاء الله...
مينا" كمت من مكاني و كلتلها..
-اترخص منج...
صعدت فوك و دماغي جان راح يطك من الوجع و اليوم لأول مرة بعد وفاة بنتي كدرت انام بدون ما احضن ملابسها...
اللبس الي اتوفت بي من غسلتة ضميتة مكدرت افرط بي و انطي بس باقي الألبسة النضيفة انطيتها للمحتاجين والي ماعدهم أمكانية يجيبون ملابس...
نمت و كالعادة دنيا سطرتني بالليل اخر شي جانت يمي قراصة مال شعري شلتها و ركعتها براس دنيا...
- لج ارريد انام دوختيني اطلعي برا....
شفتة سوتلي باصابعها الحركة مال نعلعلا ....
حطيت ساعدي ع عيني و غمضت بقلة صبر ...
كطعت نومتي....
بعدها كعدت الصبح و عيوني مورمة منايمة زين....
سويت ريوك للكل و كعدنا ع الميز ناكل....
وراها ام دنيا فتحت الموضوع و جانوا الكل بحالة صدمة و بابا بدة يستفسر ع الموضوع و يطرح اسئلة هواي و دنيا عيونها حمر اما اخوية محمد من سمع نسبة المرض كوم شيل نفسك و اطلع برة عفنا براحتة و اصلا ما نكدر نمنعة من اي شي رجال شطولة صاير بالرغم عمرة ١٦ بس هو خشن ع اهل امه....
جنت اراقب بصمت و اتفحص ردة فعلهم بعدها كلت لبابا..
-بابا اني جان عندي علم بخصوص هذا الموضوع فاتفقت وية ام دنيا ناخذها للطبيب و نتابع حالتها...
فراس: جهزوا نفسكم اليوم اخذكم للدكتور و حتى لو تحتاجين اوديج للخارج ما عندي مشكلة اهم شي تتعافين...
مينا: كام و باس راسها و دنيا انسحبت بصمت وراها اني هم كمت كلت خل ياخذون خصوصية اكثر...
طلعت شفت دنيا كاعدة ع المرجوحة و ايدها ع راسها مبينة تفكر....
كعدت يمها والصمت جان سيد الموقف...
بعدها نطقت و كالتلي..
دنيا: اكو امل امي تشافة؟...
مينا" ان شاء الله الله قادر ع كلشي بالحياة فلا تتوقعين يعوفنا ما بيدنا شي الا الدعاء و الخير فيما اختاره الله يبقى يم الله بس الشي الي يمنة لازم نكون قويات اوكي منضعف ولا نأثر ع نفسية امج تمام دنيا ما يحتاج اوصيج؟...
وراها دنيا كامت تبجي و تمسح بدموعها..
دنيا" اذا صار بامي شي اموت وراها انتي متعرفين شكد هي عانت و اني هم عانيت بسبب وضعنا السابق ....
