The Friendly Wedding (Season 1 & 2) - Published

Chapter Five

CHAPTER FIVE

WALA na yatang mas sasaya pa kay Sapphire sa buong Earth ng mga sandaling iyon. Nagpagulong-gulong pa siya sa kama habang yakap-yakap and titulo ng lupa, bahay, at kotse na minana niya sa kanyang yumaong Lola. And by next week, mata-transfer na sa account niya ang kalahati ng minana niyang pera.

            And yes! By next week, masisimula na niya ang pagpapatayo ng pinapangarap na malaking-malaking bookstore! And maybe, by next year ay mabuksan na niya iyon kasabay ng pagkuha niya sa isa pang kalahati ng perang mamanahin. Ngunit, kahit di naman na niya makuha iyon ay sobra-sobra pa ang pera niya ngayon para makapagpatayo ng bookstore.

            Kanina, pagkatapos na pagkatapos mismo ng kasal nila ni Johann ay nagulat siya nang makita ang abogado ng Lola niya at mabilis pa sa alas-kuwatrong nabigay sa kanya ang mga pamana.

            Parang last week lang, problemadong-problemado siya sa mana, ngayon, nasa kanya na iyon! Napapalakpak siya sa sarili at kinawagkawag pa ang mga paa.

            "Naks! Ang saya-saya ni Misis, ah!"

            Natigil si Sapphire sa ginagawa at saka napatingin kay Johann na pumasok ng kuwarto. Nagpupunas ito ng basang buhok. Katatapos lang nitong maligo. Isang white cotton shirt at shorts ang suot nito.

            Napabangon siya sa kama at nginitian niya ito. "Grabe, I have na with me my own land, my own house, and my own car! And by next week, I'm gonna be a millionaire!"

            "Yehey!" he cheered. "Balato ko, ah?"

            "Of course! Gagawin rin kitang millionaire. Asawa kita, eh."

            Natawa ito at saka umupo sa gilid ng kama patalikod sa kanya. "Nakakapagod pa lang ikasal. Sumakit panga ko sa kakangiti."

            Pinatong niya ang mga dokumento sa ibabaw ng maleta niya. Pinatong niya sa ibabaw ang IPhone niya para hindi iyon liparin. Tumabi siya kay Johann at mahinang siniko ito.

            "Thank you, Johann, for this day." Malaki utang na loob nya rito. Exempted na exempted na talaga ito sa galit niya sa mga kalahi nito.

            Tumingin ito sa kanya. "Masaya ka?"

            "Sobra! I'm super close to my dreams because of you. Hindi ako nagsisisi na naging kaibigan kita."

            Kinurot nito ang pisngi niya. "Anything for you, Misis."

            Lumukot ang ilong niya. "Ang corny naman ng endearment mo sa'kin."

            "Uyy... gusto niya ng mas sweet na tawagan," tukso nito. "Sige, anong gusto mong itawag ko sa'yo?"

            "Ayoko kaya. Tawagin mo na lang ako sa pangalan ko, mas okay."

            "Okay, Misis," nakangising sabi nito at saka nag-dive sa kama.

            She rolled her eyes. Wala namang effect ang pagsaway niya rito. Naramdam na rin ni Sapphire ang pagod ng buong araw na iyon kaya naman humiga na rin siya. Malaki naman ang kama ni Johann kaya kahit magkatabi sila ay hindi nagdidikit ang mga balat nila. Hindi na siya umangal ulit sa sleeping arrangement nila dahil mukha naman wala talagang gagawing masama si Johann.

            Hinila niya ang comforter pataas hanggang sa mga labi niya. Sumukob rin doon si Johann. Namagitan ang katahimikan sa kanilang dalawa. Tunog lang ng aircon ang naririnig.