The Friendly Wedding (Season 1 & 2) - Published

Chapter Eleven

CHAPTER ELEVEN

"TULOY ang beach getaway sa birthday mo, ha?"

Mula sa pagkukuskos ng tiled floor ng banyo ay napaangat si Sapphire ng tingin. "What?"

"Sabi ko, tuloy ang beach getaway natin. Di'ba hindi tayo natuloy nung 'honeymoon' natin dahil hindi available ang mga pinsan natin? I contacted my cousins, hiningi ko ang isang araw nila para sa birthday mo," ani Johann habang nakatayo sa may pinto. Umiinom pa ito ng kape.

Napangiti si Sapphire. "Really? OMG. I'm gonna call my cousins later. Sigurado naman na lagi silang available," excited niyang sabi at saka mas kinuskos mabuti ang tiled floor.

"Bati na kayo ni Lavender?"

Tumango siya at saka binanlawan ang tiled floor. "Two days after ng incident sa mall, nagkabati na kami. Ganoon lang naman kaming magpipinsan. Kapag nagkainitan, mag-aaway. Pero magbabati rin naman agad. Hindi kami nagtatanim ng sama ng loob sa isa't-isa."

"Pero, ang tapang mo, ano? Nakikipagsabunutan ka sa mall? That's wild!"

Nagkibit-balikat lang siya.

"Eh, bakit ka ba kasi nanabunot?" he curiously asked.

"Lavender just pushed me to my limits." Natapos na siya sa ginagawa kaya nagbanlaw na siya ng paa at naghugas ng kamay.

"Ano bang sabi niya?"

"Just shitty assumptions," she answered.

Tumabi ito nang lumabas siya ng banyo.

"Wow, Misis, improving ka na! Sobrang puti na nitong tiles natin sa banyo. Nakakahiyang dumihan. Pati iyong toilet, parang nakakakonsensyang mag-pupu."

Napangiti siya. "Thanks! I learned to use Muriatic Acid." Pagkarating niya sa dining table ay nakahanda na ang breakfast niya. Sweet Mister. Lagi na nitong hinahanda ang breakfast niya sa tuwing maglilinis siya sa banyo every other morning.

Natuto na siyang huwag magreklamo sa paglilinis ng banyo tuwing umaga dahil halos mag-iisang buwan niya na iyong ginagawa.

Umupo na siya at bago kumain ay nagdasal ng maikli. She's already munching her bacon when Johann appeared infront of her. Topless!

"Bakit ka nakahubad? Suot mo na uniform mo kanina, ah?"

"Mali kasi iyong uniform. Friday pala kasi ngayon. Dapat iyong sky blue na polo ang suot ko. Nakita mo ba iyon?"

"Nasa likod pa yata. Parang kalalaba ko lang niyon kahapon." Hindi sinasadyang dumapo ang mga mata niya sa tiyan nito. "Wala ka pa ring abs?" pang-aasar niya rito.

Sumimangot ito. "Bakit ba? Hoping ka 'no?" nakangisi nang sabi nito. "Sabagay, kapag nagkaroon na ko ng abs, free kang himas-himasin kunwari. At wala akong palag."

She raised her eyebrow. "As if! I'm not interested to touch any abs."

"Maniwala ako sa'yo. Sige, hintayin mo lang. Magkaka-abs rin ako. Hindi ko papahawak sa'yo kapag nagkaroon."

She sarcastically laughed. "Kapag nagkaroon," she emphasized.

Tumalikod na ito at lumabas ng back door.

Good thing he has a nice butt. Napailing-iling siya sa naisip at saka tinapos na ang pagkain.

Nakuha naman ni Johann ang uniform nito na tuyo na at saka sandaling plinantsa. Paglabas nito ng kuwarto nila ay nakasuot na ito ng tamang uniform.

"Alis na 'ko."

"Okay."

Lumapit ito sa kanya at hinalikan siya sa pisngi. Hindi na siya umaangal kapag ganoon dahil 'kaugalian' naman iyon, ayon nga kay Johann.