The Friendly Wedding (Season 1 & 2) - Published

Season 1 Finale: Chapter Twenty Five

CHAPTER TWENTY-FIVE

"MISIS! Misis! I'm home!"

            Hindi kumibo si Sapphire na nasa loob ng kuwarto at tahimik na nakaupo lang sa kama.

            "Misis?"

            Pag-angat niya ng tingin ay nasa pinto ng kuwarto si Johann. And his eyes shined when she saw her. Dali-dali itong lumapit sa kanya at niyakap siya.

            "Na-miss kita," bulong nito sabay halik sa pisngi niya. May tunog pa.

            Sapphire's face was blank.

            "Bakit ganyan itsura mo?" nagtatakang wika nito. Hinaplos pa nito ang pisngi niya. "Hindi ka ba masaya na bati na tayo?"

            Tinitigan niya si Johann. Hindi alam ni Sapphire kung anong iisipin niya.

            "O, bakit ganyan ka naman makatingin?"

            "B-Bati na talaga tayo?"

            "Oo naman! Di'ba, okay na tayo? Sa IG pa? Hashtag 'me loves you'?"

            Mas lumungkot ang mga mata ni Sapphire. "Bakit ang bilis mo lang akong patawarin? Baka hindi ka naman talaga nagalit? Baka pinaglalaruan mo lang ang emotions ko?"

            "Huh?" Mukhang naguluhan si Johann sa sinabi niya. "Mabilis ka lang pinatawad, pinaglaruan lang agad?"

            "Bakit sa Instagram lang tayo nagkabati?" tanong niya, monotone.

            "Ayaw mo ba? Ibig lang sabihin niyon, ganoon kita kamahal na kahit sa anong paraan pa ng paghingi mo ng tawad sa'kin, patatawarin kita. Ang mahalaga, nag-sorry ka. At may kasalanan din naman ako kaya wala ako sa lugar na i-prolong ang agony nating dalawa." Tinabihan siya nito at hinawakan sa kamay niya. "Iyon lang ba problema mo? Eh di, kunwari magkaaway pa tayo tapos ngayon ka lang magso-sorry tapos halikan mo 'ko ng torrid tapos bati na tayo! Yehey!" pakuwela pa nito.

            Binawi niya ang kamay rito. "Do you love me?"

            "Naman!" mabilis na sagot nito. "Super!"

            Napailing-iling siya. "How can you do that?" mataray na tanong niya.

            "Huh? Ang alin?" nagtatakang tanong nito.

            "How can you say straight on my face that you love me after you kissed another girl?"

            Hindi ito nakaimik. "Sapphire..."

            Napatayo siya. "Ano ba, Johann? Ano ba paniniwalaan ko? Bakit okay na tayo, then, the next thing I knew, you're kissing another girl? And not just any other girl! You're kissing Czarina! Czarina! Of all girls, siya pa! Siya pa! Damn you!"

            "P-Pero... P-Paano mo nalaman?"

            Hinugot niya ang phone sa bulsa at pinakita rito ang picture nito at ni Czarina. "That! That freaking picture!"

            Kinuha iyon ni Johann at mas nilapit sa mga mata nito. "Shit! Ako nga 'to! Bakit ang pangit ko naman dito? Pangit yung angle. Sino nag-picture?"

            "Ano ba, Johann! This. Is. Not. A. Fucking. Joke!"

            "Pero... pangit talaga iyong angle..."