The Friendly Wedding (Season 1 & 2) - Published

Chapter Twenty-Two

CHAPTER TWENTY-TWO

SABI NILA, sa mga istorya daw ay laging may panggulo.

            Sa kaso ng istorya nila Sapphire at Johann, mukhang hindi naman si Czarina ang gugulo sa kanila. Kundi ang isang lalaking naglalakad ngayon palapit kay Sapphire na kung makatingin ay parang alam lahat ng pinakatatago niyang sikreto.

            Napakalakas ng presensiya nito dahil sa dominenteng paglalakad na nahahawi ang mga tao sa dinaraanan nito.

            "Hey," bati nito nang makalapit sa kanya.

            Tinaasan niya ito ng kilay. "Anong gusto mong pag-usapan natin, Ibarra?"

            Inakbayan siya nito at parang nanigas ang balikat niya. "Come on. Let's talk somewhere private and comfortable." Iginiya siya nito sa loob ng isang mamahaling restaurant na nasa loob ng Greenbelt.

            Classy at tahimik ang loob. Mangilan-ngilan lang ang mga tao. Pinaghila siya nito ng upuan nang iginiya sila ng isang butler sa bakanteng mesa.

            "What do you want to eat?" he asked while sitting on his chair infront hers.

            "Sabi mo, mag-uusap lang tayo." Humalukipkip siya. "I even cut my bonding time with my Mom just to talk to you. Now, I want things straight to the point," she demanded. Nagsa-shopping sila kanina ng Mommy niya pero kailangan niyang umalis agad nang tumawag sa kanya ang pinsan ng asawa niya. Buti na lang pinayagan siya ng ina at nakipagkita na lang ito sa mga amiga nito.

            May mga naglarong ngiti sa mga labi nito. He leaned back on his seat and stared at her.

            Nag-serve ng red wine ang isang waiter kaya hindi niya naangilan si Ibarra or 'Bari', that's what his cousins call him.

            Pagkaalis ng waiter ay tinaliman niya ang tingin rito. "Ano ba kasing sasabihin mo?"

            He reached for his wine and smelled it. "Bakit ba lagi kang nakaangil sa'kin? What did I do to you?" nakangising tanong nito.

            "I'm a man-hater, remember?" press release niya.

            He chuckled. Pero parang kalkulado naman ang pagtawa nito. Mahina at maiksi lang. "You're not. I know. You're just a frustrated man-hater, Sapphire. Kahit ang pinsan mong si Reeve ay napansin din iyon."

            "Hindi naman kami laging nagkikita ni Reeve kaya how come he can conclude that?"

            "Oh, protective cousins have their own ways, Sapphire."

            Kumunot lang ang noo niya. "Just tell me what you want to tell me, Bari. I don't have all the time in the world," mataray niyang sabi. "Kailangan ko ring umuwi to catch dinner with Johann."

            Makahulugang ngumiti ito. "Johann. That long-lost cousin of ours." Napailing-iling ito. "Obviously, you have fallen in love with him. Kaya mas lalong tumitibay ang konklusyon namin ni Reeve na hindi ka talaga man-hater."

            "What's with you and Reeve? Pinag-uusapan niyo ba 'ko? And are you two close?"

            "The point is this, Sapphire."

            "Hah! Finally, sasabihin mo na rin. This is such a waste of time kung tumagal pa."

            "Reeve's step-sister is back from somewhere. You know her. Czarina, right?"