#اوهام الحب

《مشهد》

#بقلمي ..
# ايزابيل
#مشهد من روايه 《اوهام الحب》

..

جنت كاعده على السرير
ومنتجيه على الشباك ..
وكالعاده سرحانه ودافكر
بي بس كون يمر واشوف طوله
عذبني ..

كمت وقررت خلص
نفذ صبري جريت شالي
حطيته على راسي ..
ونزلت جانت محد من
الولد موجود بس رفل
دتسوي كيكه
بالمطبخ ..

باوعتلي وكالت ..

رفل ..خيه وين ماشيه (رايحه)

جاوبتهه واني البس النعال تكرمون
برجلي..

...رفوله طالعه للبستان ضايجه شويه

رفل ..وولج فيان تعالي تراج مو باربيل ؟؟

عفتهه تحجي وطلعت
اريد اشوف السالب كلبي
وتفكيري طلعت للبستان
وكفت تحت شجره الرمان
وانتضره يجي ببدلته العسكريه ..
واكفه كبال بستانهم ومنتضره
حتى لو اشوف خياله سمعت واحد يصيحه ..

..الله يساعدك فارس ؟؟

...هلا هلا عمي تفضل حياك الله

يمه غير طار كلبي اروح فدوه
الصوته باوعت البستانهم واني
افكر ليش ماروح احجي ويا
تجرءت وتقدمت عبرت الشارع
الصغير الي بين بستانه وبستانهم ...

مشيت بس واني أتلفت
ياربي شسويت بروحي اني
بس يله هو ابو صديق جدوو
الروح بالروح دامشي ببستانهم
وبس اريد المح طوله حسيت
شخص جرني ولزكني بشجره
باوعت هاذا اخو
عادل هو مايعرفني وحتى
ماشايفني وخفت منه
لان يكولون علي نسونجي
وطايح حض...

...شسوين هنا يحرمه ؟

..لا لا بس اني جنت داتمشي ودخلت البستانكم ..

مارتحيت النضراته
يباوعلي من فوك ليجوه ..
ابتعدت عنه واجيت ارجع
ماحس غير جرني ..

..يحلوه تره دخول الحمام مو مثل خروجه ..

اتسعت عيوني على كلامه
هاذا شديخربط ...

...احترم رجاءا ووخر عني اكمل طريقي ..

...انتي مبينه مو من هنا من يا ديره انتي

ماهتميت لكلامه ومشيت
كم خطوه ماحس غير
رجع جرني جر شالي
اباوع شالي طار على الشجره ..
يمه غير كلبي وكع من الخوف
ربي سترك ..

...لك ووخر لا تخليني اصررخ وافضحك...

ماسمع كلامه
دنك رأسه بمستوى
ركبتي لو اني انجنيت
ادفع بي وماكو آخر ما توصلت إليه
ضربته بمكان حساس ماحس غير
وكع وصار يتلاوه بالكاع
جرني من ايدي صرت فوكا
حرت وين انطي وجهي وهاذا
راح يفضحني باوعت طابوكه
بصفي ..

مديت ايده ودك على
رأسه بدون ماحس حتى
الطابوكه تكسرت هاذا نوب
كام ينزف كممت منه واني
اررجف وجسمي كله يختض
شفايفي رجفن ودموعي
نزلن بلعت ريكي بقلق
هاذا بس لا ماتت

عفته وراي وطكيتهه ركضه
وصلت للنص ماحس غير واحد
يصيح وراااي ...

...هييييييي انتي كربي هناااا شسوووويتي

درت وجهي هاذا فارس
يمه عززا ماهتميت وخلصتهه
ركض ماحس غير انجبحت
على وجهي تقرب فارس لزمني
من ايدي وكال ..

...وووووولج منوووو ااااانتي وشسوووويتي ب عااااادل ..

نفضت ايده مني
بسرعه وكملتهه ركضه
لحد ماوصلت للباب اشووفه
انخبص بااخوو ويصيح ويعيط
دخلت واني صايره مي من العرك
وكلبي احسه يريد يطلع
شافتني رفل اجت تركض بتجاههي ..

:ووولج فيان وين شلعتي جان عاونتيني بالخبزز هسه يجون
الولد يردولهم لكمه طيبه وبعدين شصاير بيج وين شاللج  ...

احس نفسي دخت
ومامتوازنه جنت منتجيه
على الباب دخت ووكعت بعد
ماحسيت بشيء آخر ما سمعته
صرخت رفل ...يتبع

..

♡♡♡♡♡
لتنسوووون
التصويت والتعليق