Hidden Identity

Chapter 10

HIDDEN IDENTITY

Lunes na naman at wala talaga akong ganang pumasok sa eskwelahan dahil nananakit pa ang aking likod ngunit kailangan. Scholar pa naman ako kaya mahirap na pag um-absent ako.

Akala ko kahapon mawawala na ang lagnat ko dahil nagpahinga lang ako buong maghapon ngunit nagkamali ako. Mas lumala pa nga ang lagnat ko at sinisipon ako. My rest yesterday was useless. Kung mahina ako kahapon mas nanghihina ako ngayon, kahit nga magluto ay tinatamad ako.

Nakatingin lang ako sa labas ng bintana habang kumakain ng sandwich. Makulimlim sa labas, paniguradong uulan mamaya.  Napabuntong-hininga ako at mabilis na kinain ang sandwich at lumabas na ng bahay.

Nang makarating ako sa paaralan ay wala pa masyadong tao.  Maaga kasi akong pumasok para iwas gulo, nakahinga ako ng maluwag ng makapasok ako sa classroom ng maayos. Pero agad ko ding nahigit ang hininga ko ng makita si Preston na ngumingiting mag-isa sa upuan niya. Kumunot ang noo ko ng makitang siya lang mag-isa, wala pa ang mga kaibigan niya.

Napaatras ako ng isang hakbang ng mag-angat siya ng tingin at nagkatitigan kami. Biglang napawi ang ngiti niya kanina at napalitan ng inis ang kabuuan ng mukha niya.

"Tinitingin mo diyan?" inis na singhal niya.

"Ha?" wala sa sariling ani ko.

Mas lalong bumalanda ang inis sa mukha niya. "Ano sabi ang tinitingin mo diyan? Alam kong gwapo ako."

Ang hangin naman nito. Lakas ng apog hindi ka gwapo para sakin ulol.

"Anong sabi mo."

Napakurap ako. "Ha?"

"Hindi ako gwapo kamo?" aniya at tumayo sa kinakaupuan niya at lumapit sakin.

"May sinabi ba akong ganun?"

"Really Maple? You told me that you don't find me handsome." patuloy padin siya sa paglapit kaya wala akong nagawa kundi ang umatras. His eyes didn't leave mine.

Napamura ako sa aking isipan ng wala na akong maatrasan. Naisandal ko ang ulo ko sa black board at napalunok. Nilagay niya naman ang dalawang kamay niya sa blackboard, kinukulong ako at inilapit ang mukha niya sakin.

"Ngayon mo sabihing hindi ako gwapo." nanliliit ang mga matang tinitigan niya ako.

Damn, i hate his stares.

"Hindi ka gwapo." pag-uulit ko sa sinabi ko kanina.

"What?!" inis na tanong niya. "Ako?" turo niya sa sarili niya, "Hindi gwapo? Ha!"

Nanlaki ang mga mata ko ng hawakan niya ang kaliwang kamay ko at inihaplos sa mukha niya. Napamaang ako sa ginagawa niya habang siya naman ay nanlaki ang mga mata at binitawan ang kamay ko.

"Tch. Gwapo kasi ako." mahinang bulong niya. Wala sa sariling tumango nalang ako. Why the heck did he do that?!

I flinched when he touched my forehead and neck with his palm.

"Sinasabi na nga." mahinang bulong niya at umiling. Lumayo siya ng konti sakin, "Bat pumasok ka pa?"

"Ha?"

"Wag mokong ma 'ha' 'ha' jan Maple. May lagnat ka, kumain kana ba?"

Tumango lang ako. Why does he care?

"Uminom ng gamot?"

Tumango na naman ako ulit.

"Nilalamig ka ba?"

Umiling ako.

"Tch, pipi ka ba?"

"Ha?"

"Anak ng- isang ha pa Maple malilintikan kana talaga sakin." hinubad niya ang jacket niya at inilagay sa balikat ko. "Baka umulan mamaya at lamigin ka."