السياسي
و
الفتاة ذو العشرين
واقعيه
للكاتب أمير احمد
..............................
ام محمد : يله يمه اكعد اتاخرت ما راح تلحك على دوامك الساعه ب ٧ يله حبيبي كوم
محمد :امممممممم 😴 بس اشويه
ام محمد : ولا لحظه يله كوم اشوكت تزوج و اخلص متكلي البكدك عدهم ٣ جهال و انت بعدك ما مزوج اشوكت الحك اشوف جهالك ما ادري
محمد : اهوووووو يمه سويتيلنا قصه من الصبح كايم والله كايم رحمه الوالديج سدي الموضوع كمت من فراشي و إني روحي بخشمي اخذ حمام سريع و طلعت و لبست قاطي و رتب شعري و خليت عطر و نزلت لكيت امي تحضر بالريوك
ام محمد : يمه اللهم صلي على محمد وآل محمد عريس الله يحرسك من العين تعال يمه اكعد اكل لكمه
محمد : الله يسلمج يمه اي أجيت كعدنا ناكل اكول حجيه الوالد وين
ام محمد : ابوك نايم ميكعد من وكت يمه فدو الطولك عندي حجايه وياك
محمد : كولي حجيه
ام محمد : يمه بنت خالتك رنين اشلون بنيه ما شاء الله كامله و الكامل الله و طالبة كلية مرحلة ثانيه طب أسنان ليش ما شوفه بلكي الله و تعجبك يا يمه ينمرد كلبي عليك من اشوف لبكدك كلها مخلفه الا انت حاير بشغلك
محمد : الله كريم حجيه افكر بالموضوع كملت اكلي و بست راح الوالده و اتصلت على السايق طلعت رحت للمكتب و إني افكر بخطيبتي الاخذتها مني الدنيا و صارت حظ الموت بسبب الإرهاب و القتل اخ يا ريم اشلون ازوج و انتي ما مفاركه عقلي و كلبي و لا وحده أخذت كلبي غيرج وصلت للمكتب اتصلت على المضيف الووو
حامد : صباح الخير استاذ شنو طلبك
محمد : فد كهوه وسط
حامد :تدلل استاذ
محمد : عاشت ايدك نهيت المكالمه و بديت اشوف الأوراق و الملفات اجه النادل جابلي الكهوه
حامد : تفضل استاذ تامر بشي بعد
محمد : عاشت ايدك تفضل شكرا
راح حامد و بقيت اشتغل ملفات و أوراق
..............................
زينب : دك المنبه الساعه ب ٦ الا ربع كعدت بذمر رحت الغرفة سجاد اكعده لان عنده دوام
سجاد .... سجاد.... سجاد اكعود يله
سجاد: اووووو يابه كعدنا صوتج جنج جبار كمت كمت
زينب : كعد سجاد راح للحمام و إني رحت لبست ملابسي لبست جينز اسود و بلوز وردي و شال اسود و خليت مكياج خفيف لان ماما متقبل رحت لغرفة سجاد لكيته ايغني
سجاد : روحي انت و ادري الروح من تروح ما يسوه الجسد نفسيتي يمك حيل اي ترتاح يالحب بالكبد
زينب : راحت روحك اي والله كول امين
سجاد : امشي لج لازكتلي وين ما اروح مثل العلج اكلج طلعلي تشيرتي الزيتوني و جينز البيجي
زينب: حاضر طلعتهن اله اخذ السويج و صعدنا بسيارته
سجاد : شوفي الجمال يا يابه علمين طالع جمال و مال الج الفخر عندج هيج اخ
زينب : سجاد كافي يله امشي
سجاد : تغارين
زينب : هذا سجاد من يوم يومه بس يشاقه و يضحك الله يحفظه النا وصلني للكليه و نزلت اتصلت على رنين الووو رنين انتي وين اني هسه دخلت للكلية
رنين : و عليكم السلام عيني سلمي بالأول يله اني بالسنتر تعالي
زينب : اوكي جايه رحت الها هلو رنو اشلونج و بستها
رنين : هلو حبي اشلونج عدنا محاضره
زينب : يله امشي رحنا دخلنا محاضره كانت نظري و الدكتور يشرح و رنو تغمزلي لو تكرصني
رنين : شوفي اينشتاين بس مستنسخ
زينب : هههههه لج كافي راح نطرد كملت المحاضره طلعنا للكافتريا اكلت اني و رنين
رنين : اكولج زنو اليوم سجاد وصلج
زينب : اي لويش هههه
رنين : هيج نسأل
زينب : ههههه تسألين هههههه
رنين : كومي عدنا عملي يله بلا كلام زايد
زينب : هههه امشي فديت اليستحون دخلنا للعملية و كملنا اتصلت على سجاد كال نص ساعه و يمج و هاي تتبسم
رنين : ها ترحين اطلع اوصلج
زينب :توصليني لو تشوفين اختي هههههه
رنين : ههه امشي سوي خير و ذبه بالشط غير اختج كشمشيه
زينب : اي اختي سجاد كشمشيه امشي امشي
..............................
محمد : كملت شغلي باوعت على الوقت ساعه ب١ و لا حسيت أخذت راحه و دك موبايلي ليث الووو ها لك اشلونك وين ما وين
ليث : ها حمودي لك والله ردت اسأل عليك
الحمد لله اني زين شو مختفي
محمد : زين ماشي الحال والله الشغل ماخذ كل وقتي و الحجيه لزكه بنت اختها
ليث : يا اخي انت مصختها ازوج و خلصنا
محمد: اسكت رحم الوالديك لو ما تعرف بسالفتي جان عذرتك بس انت اكثر واحد تعرف بوضعي
ليث : يابه الفات مات قابل تموت روحك صار الك ٥ سنوات بدون زوج الله يرحمها بس كافي يا اخي حقها الحجيه من تحجي عليك
محمد : خلص يابه اسفين صرتلي سهاد الثانيه
ليث : اروح فدوه خالتي ام حمودي اكلك
محمد ; ها
ليث : اليوم تروح النادي نغير جو اني وياك
محمد : اشوف وكتي
ليث : ابو وكت غصبا ما عليك تطلع اليوم عفت جهالي علمودك والله مشتاقلك
محمد : خلص ليث منتظرك الساعه ب٦ اجيك للبيت
ليث : يله ابو جاسم اخذ راحتك مع السلامة
محمد : الله وياك. كملت المكالمه طلعت من المكتب لكيت السايق صعدت بالسيارة و بطريقي للبيت كلام ليث و الحجيه صحيح البكدي جهاله بطوله و إني افكر قطع سلسلة أفكاري وصولي للبيت من السايق كلي استاذ وصلنا دخلت للبيت سمعت الحجيه تعيط.........
اتمنى منكم الدعم
أنت تقرأ
السياسي و فتاة ذات العشرين عاما
Romanceقصة تتحدث عن سياسي يعجب بطالبة في طب الأسنان أثناء زيارة مفاجأة له لبنت خاله شباب اني اول مره اكتب قصة اتمنى الدعم # واقعية # حب # رومانسيه
