السياسي و فتاة ذات العشرين عاما

البارت السابع

السياسي و الفتاة ذات العشرين عاما

# أمير احمد
_______________________________________

ما اظن نرجع سوى
بَس لا تحبلك ثاني
ولا تنطي روحك ترة ،
مو ڪل بَشر "أني"
باچر اذا زعَلك ما راح تلڪَاني ..
_______________________________________

زينب : دخلت للغرفة اني وياه مستحيل مسويها فوك الخيال كولها ذهبي و ابيض و حتى الحيطان مغيرهن و مخلي صور زواجنا و خطوبتنا و فوك الجربايه تاريخ زواجنا اشكد ما الغرفة حلوه اشكد ما داخلي مكسور اتجاه

محمد : عجبتج لو اغيرها

زينب : لا عاشت ايدك حلوه وين خاله و عمو

محمد : راحو زيارة تعالي اراويج بعد

زينب : الطابق الفوك كوله مغير ديكوره وداني الغرفة الجهال شفت صور حسام و نور و مسوي الغرفة اجنن حيل فرحت بيها كولش اشكرك

محمد : شنو هاي احلى من غرفتنا

زينب : لا بس اكيد راح يفرحون بيها

محمد : انشوف و بعد نروح للغرفة الثانيه تعاي

زينب : وداني الغرفة سارة و روضي همات تجنن عاشت ايدك يجنن

محمد : اتمنى لو أكدر أصلح جزء من الكسر الكسرته الج

زينب : تذكر المزهرية الأني كسرتها

محمد : اي

زينب : وين كانت نهايتها بالمهملات الكسر من ينكسر ميتصلح و نهايته محلوه

محمد : زينب والله احبج

زينب : محمد تعبنا من هاي المواضيع سدها رجاءا شتريد اتسوي سوي تعبتني مبقه بيه حيل اتحمل

محمد : حقج والله 🤧

زينب : هاي اشبيك تكحكح بس لا ما أخذت المضاد

محمد : لا ماخذه بس هل مره هيج اجتني يمكن فلاونزه خفيفه و ما نايم

زينب : امشي ارتاح كلت اهتم بي مثل جهالي بلكت يجي وياه رحنا للغرفة و كعدته هاك اشرب مي هسه انزل حامض تروح الفلاونزه

محمد : لا تعبين نفسج هسه اخذ دوه و انام

زينب : الجو تقريبا ربيع حلو بدلت ملابسي و رحت على المرايا اعدل نفسي شفته ورايه ها محمد

محمد : لبسي هاي الخاطري

زينب : ما أريدها بعد اختنك من الكلاده

محمد : اجيب غيرها لو لان اسمي بيها

زينب : حرفي و حرفك متصلات بس هذا الاتصال مجرد جرح و اهانه و كذب محمد رجاءا اترك هل موضوع

محمد : ما أكدر اشوفج مو إليه

زينب : و إني الك لو اموت همات باسمك و انت التنزلني الكبري و تدفني لان زوجي رغم الإهانة و الغدر و الخيانة غصبا عليه لازم أرضه اطيني اياها بقت عليها رضيت بكولشي بقت ما أرضه بها لبستها