السياسي و فتاة ذات العشرين عاما

البارت الحادي عشر

   السياسي و الفتاة ذي العشرين عاما

# أمير احمد

..............................

كالو ما تجي وكالو عليك بعيد

كالو ما تجي وكالو عليك بعيد

ودرب كلش طويل البينك وبيني

شح مني الدمع كد ما بجيت أعليك

وأعاتب بالكمر هلبت يواسيني

ظلم كلش ظلم تحيا وتموت بشوك

وجا شنهو العمر من تذبل رياحيني

تعب حتى الورق حبر ودمع مخبوط

وحسره وي القلم تأذيني وتبجيني

صفة رسمك حلم عذب حنايا الروح
______________________________

سجاد : دخلت للغرفه لكيتها تبجي اشبيج زينب ما جاوب تبجي و متحجي

الاب : بابا حبيبتي كافي مو زين على صحتج

زينب : كله بسببكم انتو اذيتوني دمرتوني ليش تزوجيني واحد ما أريده اتركوني امشي طلعو بره

الاب : عطت بيها انجبي و هسه تخلصين المغذي و نولي اطيتج مجال اهواي دللتج و حسبت تستاهلين بس طلعتي وحده ناكرة معروف و يكون بعلمج تاكل و تنخطبين و تصير الحفله غصبا ما عليج فاهمه لو اعيد احجي يله فاهمه بصياح

سجاد : يابه اسكت صوتك الناس تباوع

الاب : كافي مو طلعتني من طوري اجيتها بالاحترام ما مشت بالعصبيه متمشي والله اذا متجرين عدل احط طلقه براسج و راسي و اخلص راح اطلع منتظركم بره

سجاد : على كيفك يابه التامر بي يصير طلع أبويه و زينب بس تبجي بس دموع

زينب : ها ارتاحيت انت و ست رنين ليش هيج اسون بيه لك بشنو غلطت اتبيعوني علمودها

سجاد : شوفي يا زينب ما بعناج و لا علمود رنين هذا الرجال متمكن بالدولة و كلشي يكدر يسوي و عينه عليج احسن يسوي شي مو زين و إذا سوه احنا نسكت اكيد لا و يصير دم بينا فهمي عاد  و حسين لو صدك يحبج يخطبج ما يوميه متحجج علمود مهر يكدر يداين و على الغرفه يبنيله غرفه عمي اني اداينه بس حسين ما مستقر يوميه رأي كافي فهمي

زينب : لو تموتون ما أوافق و هذا الكلام تقنع بي نفسك مو اني انت بعتني و اشتريت رنين و الفلوس

سجاد : بقت تحجي و تبجي بدون فايده ضايع وياها الحجي كمل المغذي و سندتها كوه لان ما تكدر تمشي عدها دوخه و طلعنا اني و ابويه عصبي ما يحجي كلمه حقه هي اللسانه متبري منها صعدنها بالسيارة و احنا بالطريق دك عليه محمد ما كدرت ارد خلصت الرنه دزيتله رسالة محمد اني بالمستشفى من ارجع اخابرك. وصلنا للبيت و نزلتها من السيارة ردت اصعدها للغرفه

زينب : وخر ما أريدكم صيح سارة

سجاد : عدلي كلامج وياي فاهمه لا هسه اضربج راشدي افر راسج فر سساااااارة يا سااااارة وينج تعالي صعديها