السياسي و فتاة ذات العشرين عاما

البارت 166

السياسي و الفتاة ذات العشرين عاما

# أمير احمد السلام عليكم اليوم البارت رائع اتمنى يعجبكم و كاعد امشي بالأحداث بأكثر من قدرتي تحياتي و اعتذر ما ارد على الخاص اشويه مشغول بالدراسه

🌿🌿🌿🌿🌿🌿🌿🌿🌿🌿🌿🌿🌿🌿

اعيونج قصيدة شوك
ورموشج محطتنة ❤
.
.
🌿🌿🌿🌿🌿🌿🌿🌿🌿🌿🌿🌿🌿🌿

زينب : رحت سلمت على رنين و باركتلها خليت الجهال يم خاله نور و سلمت على كرايبنا عماتي و خالاتي اهواي بالوجه يذبن الحجي

ام حسين : اني اكول ما ردتي ابني هذا الخير كله و تجين على ابني

زينب : لا خاله بس هي قسمه ونصيب

ام حسين : لا خاله النسوان من يشتهن شي يسونه يله انتي ما جنتي بنفسي ردت البنيه بنيه ما لامسيها
لو يدري رجلج جان من اول يوم عافج
زينب : شكرا خاله على هذا كلامج عرفت  عفتها و رحت خاله تعبوج الجهال

ام محمد : يمه شوفي هذا نور كلبي مندمج ويه الاغاني عسل على كلبي حبيبه روحي

سهام : زنوبه تونسي عرس اخوج هذا

زينب : لا قابل اعوف اهلي انتو اهلي و احلى اهل و ماما ملتهيه ويه خالاتي أخذت حسام و كعدت اركص اني وياه بس الخنكه بعدهي بصدري طفت فرحتي ما ادري لويش هيج اسوي صاحتني بيبتي سلمت عليها

الحجيه : ها بيبي يمه فدوه هذا وليدج منو بيهم

زينب : هههههه هذا حسام

الحجيه : حسومي بيبي تعال ليه ما شاء الله يمه الله يبلغج بيهم

زينب : الله يسلمج بيبي أخذت حسام سويتله مميه

نوره : اظاهر محمد امبينه فلوسه بيج

زينب : لا عادي اصلا حتى موبايل ما عندي

نوره : شوف ابنج اشلون منشنش

زينب : اكولج هو جهال و طبيعة الجهال إذا اهتميتي بي ايصير هيج

نوره : عوفج منا هاي اكلج اخويه عطل بطال ما تحجين ويه رجلج

زينب : موجود سجاد احجي وياه و سجاد يحجي ويه محمد اني ما ادخل بشغل محمد رحت يم البنات

سهام : اشبيج ضايجه

زينب : ما ادري تعبانه دخت من الحفله

شيرين : اكلج جهالج شوفي اشلون مندمج بعرس خالهم تعالي نصورهم همه و جعفر

زينب : بقينا ناخذ صور و أخذت ويه العروس خلص العرس و صارت الزفه دك عليه محمد على موبايل خاله رحت للحمام ها محمد

محمد : تلكين سيارتي باب القاعه مو تروحين بغيرها و جيبي الجهال لا يختنكون  ازدحام كتل